ونود کھنہ کی آخری رسومات پر رشی کپور کیوں پھٹ پڑے

مجھے بھی اس وقت کے لیے تیاررہنا چاہیئے کہ مجھے کوئی کندھا دینے بھی نہیں آئے گا، رشی کپور: فوٹو: فائل

---

اپنے غصے اورخیالات کے اظہار میں پیچھے نہ ہٹنے والے اداکار رشی کپور گزشتہ روز لیجنڈ ادکار ونود کھنہ کی آخری رسومات پر نئے فنکاروں کی عدم شرکت پرشدید غصہ ہوئے اورانہیں کھری کھری سنائیں۔

بھارتی میڈیا رپورٹس کے مطابق بالی ووڈ اداکاررشی کپورنے سماجی رابطے کی ویب سائٹ ٹوئٹرپرایک بار پھراپنے شدید غم وغصے کا اظہار کیا۔ اداکار نے شدید تنقید اورغصے کا اظہار گزشتہ روز لیجنڈ اداکار ونود کھنہ کی آخری رسومات پر نئے فنکاروں کی عدم شرکت پرکیا۔

اداکار نے کہا کہ شرم کی بات ہے کہ نئے اداکاروں میں سے کوئی ایک بھی ونود کھنہ کی آخری رسومات میں شامل نہیں ہوا جب کہ اداکار نے ان نئے فنکاروں کے ساتھ کام بھی کیا تھا، سب کو احترام کرنا سیکھنا چاہیئے۔

Shameful. Not ONE actor of this generation attended Vinod Khanna's funeral. And that too he has worked with them. Must learn to respect.

— Rishi Kapoor (@chintskap) April 27, 2017

اس خبرکو بھی پڑھیں: ونود کھنہ چل بسے

اداکارنے اپنی اہلیہ نیتو سنگھ اور بیٹے رنبیر کپور کی عدم شرکت کا بھی جواز پیش کرتے ہوئے کہا کہ وہ دونوں بیرون ملک گئے ہوئے ہیں، اگر وہ ملک میں ہوتے تو ضرور شرکت کرتے۔

Yes it has been expressed earlier on social media my wife and Ranbir are out of the country. Would never had been reason not to be there

— Rishi Kapoor (@chintskap) April 27, 2017

اس خبرکوبھی پڑھیں:رشی کپور گاندھی فیملی پر برس پڑے

اداکار نے کہا کہ ایسا کیوں ہوتا ہے، جب میں مروں گا تو مجھے بھی اس وقت کے لیے تیار رہنا چاہیئے کہ مجھے کوئی کندھا دینے بھی نہیں آئے گا۔ اداکار نے ایک بار پھر کہا کہ انہیں آج کے اداکاروں پر بہت زیادہ غصہ آرہا ہے۔

Why this? Including mine and thereafter.When I die, I must be prepared.None will shoulder me. Very very angry with today's so called stars.

— Rishi Kapoor (@chintskap) April 27, 2017

بس یہ ہی نہیں رشی کپور نے 2 روز قبل اداکارہ پریانکا چوپڑا کی جانب سے دی گئی پارٹی میں شرکت کرنے والے تمام نئے فنکاروں کے حوالے سے کہا کہ بہت سارے چمچوں کو اداکارہ کی پارٹی میں تو دیکھا لیکن وہ ونود کھنہ کی آخری رسومات میں نہ آئے جس پر بہت غصہ ہوں۔

Angry. Met so many chamcha people last night at Priyanka Chopra's do last night. Few at Vinod's. So fuckn transparent. So angry with them.

— Rishi Kapoor (@chintskap) April 27, 2017

واضح رہے کہ گزشتہ روزکینسر کے عارضے میں مبتلا بالی ووڈ کے لیجنڈ اداکار ونود کھنہ 70 سال کی عمر میں چل بسے تھے۔