جاتی کی مختلف نہروں میں 2 ماہ سے پانی کی قلت

پانی نہ ملنے سے ہزاروں ایکڑ اراضی پر کھڑی مختلف فصلوں کو نقصان، کاشتکار پریشان۔ فوٹو: فائل

---

تحصیل جاتی کے مختلف شاخوں میں 2 ماہ سے پانی کی شدید قلت، کاشتکاروں و شہریوں کی جانب سے پانی کی قلت ختم کرانے کا مطالب۔

تفصیلات کے مطابق جاتی کے مین بیراج و مختلف شاخوں، جاتی مائنز، ٹنگو مائنز، شیر خان مانز، گڈاپ مائنز، تینسو مائنز، مالہیہ مائنز، فی مائنز و دیگر میں گزشتہ 2 ماہ سے پانی کی شدید قلت ہے جس کے باعث تحصیل جاتی میں ہزاروں ایکڑ پر کھڑی فصلیں، گنا، گندم، ٹماٹر، مرچ، پیاز، سورج مکھی و دیگر کو بڑا نقصان ہورہا ہے۔



جسکے سبب کاشتکاروں کو کروڑوں روپے کا نقصان ہونے کا خدشہ ہے۔ تحصیل جاتی کے کاشتکار رہنمائوں علی احمد تھہیم، فقیر احمد و دیگر نے اعلیٰ حکام سے پانی کی قلت جلد از جلد ختم کرنے کا مطالبہ کیا۔ بصورت دیگر احتجاج کا انتباہ دیا ہے۔