شراپووا کو واپسی پر اضافی مدد ملی

فرنچ ٹینس پلیئر کرسٹینا میلڈینووک نے ماریا شراپووا کی اسٹٹ گارٹ سیمی فائنل میں رسائی پر کہا کہ روسی اسٹار کو ڈوپنگ پابندی کے بعد واپسی پر 'اضافی مدد، حاصل رہی ہے۔


ورلڈ نمبر19 میلڈینوک نے کہا ہے کہ آج کل کا اسپورٹس میڈیا اور بزنس کا معاملہ ہے، ماریا بڑا نام ہے، جنھیں دیکھنے کیلیے لوگ گراؤنڈ کا رخ کرتے ہیں، ایک جانب میں یہ بھی سمجھتی ہوں کہ ٹورنامنٹس منتظمین ان کی شمولیت ڈرا میں چاہتے ہیں کیونکہ وہ بہت مشہور اور لوگوں کی توجہ پاتی ہیں ، یہ سب کاروبار کا حصہ ہے ، لیکن دوسری جانب یہ بھی حقیقت ہے کہ آپ انھیں وائلڈ کارڈ انٹری دیے جانے پر پوچھ سکتے ہیں ، وہ اینٹی ڈوپنگ پر گرفت میں آئی تھیں، لیکن وہ اس کا شکار ہونیو الی کوئی پہلی کھلاڑی نہیں تھیں۔