زرداری صاحب دن میںخواب دیکھنا چھوڑدیں چوہدری نثار

پنجاب میں پیپلزپارٹی کا جیتنا تو دورکی بات پورے ملک سے زرداری لیگ کا صفایا ہوگا ۔ فوٹو ایکسپریس

---

ISLAMABAD: قومی اسمبلی میں قائد حزب اختلاف چوہدری نثار علی خان نے کہا ہے کہ زرداری صاحب دن میںخواب دیکھنا چھوڑدیں، پنجاب میں پیپلزپارٹی کا جیتنا تودور کیبات آئندہ الیکشن میں پورے پاکستان سے زرداری لیگ کا صفایا ہوگا،

یہ کتنی ستم ظریفی ہے کہ اس حکومت کی کارکردگی کے ستائے عوام دن رات کے سکھ چین سے محروم ہو کر سڑکوں پر ہیں جبکہ آصف زرداری آئندہ الیکشن میں پیپلز پارٹی کی کامیابی کے ڈھول بجا رہے ہیں، لگتا ہے کہ زرداری صاحب کسی اور پاکستان میں رہتے ہیں، اصل پاکستان کے عوام تو زرداری اور ان کی حکومت کے جانے کیلیے ہر وقت ہاتھ اٹھا اٹھا کر دعائیں مانگ رہے ہیں،

ایک بیان میں انھوں نے کہا کہ اس سے بڑا سانحہ اور کیا ہوگا کہ ملک کا صدر اپنے ملک کے زمینی حقائق سے مکمل بے خبر اورلاتعلق ہے۔ چوہدری نثار نے کہاکہ زرداری صاحب اور ان کی پارٹی کی گزشتہ ساڑھے چارسال کی نااہلی ،بدعنوانی،دروغ گوئی اور عوام کے معاملات سے لاتعلقی، آج پیپلزپارٹی کو اس مقام پر لے آئی ہے کہ آئندہ الیکشن میں عوام ان کوعبرت کا نشان بنا دیں گے۔