فوجیوں کی لاشیں مسخ کرنے کا بھارتی الزام جھوٹ پر مبنی ہے آئی ایس پی آر

پاک فوج اعلیٰ ترین اور پیشہ وارانہ فورس ہے وہ کسی فوجی یہاں تک کہ بھارتی فوجی کی بھی تضحیک نہیں کرے گی، ترجمان، فوٹو؛ آئی ایس پی آر

---

آئی ایس پی آر نے بھارت کی جانب سے فوجیوں کی لاشیں مسخ کرنے کے الزامات کی تردید کرتے ہوئے اسے جھوٹ پر مبنی قرار دیا ہے۔

پاک فوج کے شعبہ تعلقات عامہ (آئی ایس پی آر) نے لائن آف کنٹرول پر سیز فائر معاہدے کی خلاف ورزی کی تردید کرتے ہوئے کہا کہ بٹل اور کریشنا گٹی سیکٹر میں فائربندی کی کوئی خلاف ورزی کی اور نہ ہی کوئی بیٹ ایکشن کیا ہے جب کہ اس حوالے سے بھارتی الزامات جھوٹ پر مبنی ہیں۔

اس خبرکوبھی پڑھیں: بھارتی فوج کی ایل اوسی پر بلااشتعال فائرنگ سے 2 شہری زخمی

ترجمان کا کہنا تھا کہ پاک فوج ایک اعلیٰ ترین اور پیشہ وارانہ فورس ہے، وہ کسی فوجی یہاں تک کہ بھارتی فوجی کی بھی تضحیک نہیں کرے گی لہٰذا بھارتی سپاہیوں کی لاشوں کے عضو کاٹنے کا بھارتی الزام بے بنیاد اور جھوٹ پر مبنی ہے۔

اس خبرکوبھی پڑھیں: بھارتی فوج کی ایل اوسی پر بلااشتعال فائرنگ

واضح رہے کہ بھارتی فوج کی جانب سے الزام عائد کیا گیا تھا کہ پاک فوج نے ایل او سی پر قائم بھارتی فوج کی 2 چوکیوں پر مارٹرگولوں اور راکٹ سے حملہ کیا اور بعد میں چوکیوں کے درمیان گشت کرنے والے 2 فوجیوں کو ہلاک اور ان کی لاشیں مسخ کردی ہیں۔