الیکشن کمیشن آف پاکستان نے انتخابات سے قبل تمام سرکاری بھرتیوں اور مختص ترقیاتی فنڈز دوسری جگہ استعمال کرنے پر پابندی عائد کردی ہے۔

ذرائع کے مطابق الیکشن کمیشن نے سرکاری بھرتیوں اور وزیر اعظم کے اپنے حلقے میں صوابدیدی فنڈز کے استعمال کا نوٹس لیتے ہوئے وفاقی، صوبائی اور مقامی حکومتوں کو سرکاری بھرتیوں سے روک دیا ہے اور ترقیاتی منصوبوں کے لئے پہلے سے مختص رقم کو کسی اور منصوبے پر لگانے پر بھی پابندی عائد کردی ہے۔

الیکشن کمیشن کی پابندی کا اطلاق پبلک سروس کمیشن کے ذریعے کی جانے والی بھرتیوں پر نہیں ہوگا۔