بھارتی اداکار نے خودکشی کرلی

مقامی ٹی وی اداکار نے بیوی کی ساڑھی سے پھندا لگا کر زندگی کا خاتمہ کیا، فوٹو؛ فائل

---

MULTAN/ FAISALABAD/ SARGODHA/ لاہور: بھارتی ٹی وی کے اداکار پردیپ کمار نے پھندے سے لٹک کر زندگی کا خاتمہ کرلیا۔

بھارتی میڈیا کے مطابق مقامی انڈسٹری تیلگو کے معروف اداکار پردیپ کمار حیدر آباد دکن کے پوش علاقے الکپوری کالونی میں مقیم تھے جہاں انہوں نے گھر میں پنکھے سے پھندا لگا کر خود کشی کرلی۔ میڈیا رپورٹس کے مطابق اداکار نے خودکشی کے لیے بیوی کی ساڑھی کو پھندے کے طور پر استعمال کیا اور اس موقع پر ان کی اہلیہ اداکارہ پاوانی گھر میں موجود نہیں تھیں۔

اداکار پردیپ نے گزشتہ سال ہی اداکارہ پاوانی سے شادی کی تھی۔ ان کی اہلیہ کہنا ہے کہ وہ اسی اپارٹمنٹ میں اپنے بھائی کے گھر موجود تھیں جہاں سے مسلسل فون کرنے پر شوہر کا فون بند جارہا تھا جس کے بعد گھر آئی تو دروازہ بند تھا اور دروازہ بجانے پر بھی نہ کھلا جس پر دروازہ توڑ کر اندر داخل ہوئی تو کمرے میں ان کی لاش لٹکی ہوئی تھی۔ پولیس نے واقعے کی تحقیقات شروع کردی ہے اور خودکشی کی وجوہات جاننے کے لیے گھر کے بعض افراد کو بھی حراست میں لیا گیا ہے۔