آرمی چیف سے جرمنی کی نمائندہ خصوصی کی ملاقات پاک افغان سرحدی امور پرتبادلہ خیال

جرمنی کی نمائندہ خصوصی نے خطے میں امن و استحکام کے لیے پاک فوج کی خدمات کو بھی سراہا، آئی ایس پی آر

ویب ڈیسک May 04, 2017

جرمنی کی نمائندہ خصوصی نے خطے میں امن و استحکام کے لیے پاک فوج کی خدمات کو بھی سراہا، آئی ایس پی آر۔ فوٹو : آئی ایس پی آر

آرمی چیف جنرل قمر جاوید باجوہ سے جرمنی کی نمائندہ خصوصی برائے پاکستان اور افغانستان سبلین سپاروسیر نے ملاقات کی جس میں پاک افغان سرحدی امور سمیت علاقائی سلامتی کے معاملات پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے جرمنی کی نمائندہ خصوصی برائے پاکستان اور افغانستان سبلین سپاروسیر نے ملاقات کی جس میں باہمی دلچسپی کے امور سمیت پاک افغان سرحدی امور اور علاقائی سلامتی کے معاملات پر تبادلہ خیال کیا گیا۔

[fb-post-embed url=" https://www.facebook.com/OfficialDGISPR/photos/a.1656988187931962.1073741828.1656878391276275/1712834009014046/?type=3"]

آئی ایس پی آر کے مطابق جرمنی کی نمائندہ خصوصی سبلین سپاروسیر نے آرمی چیف سے ملاقات میں خطے میں امن و استحکام کے لیے پاک فوج کی خدمات کو بھی سراہا۔