نوواک جوکووچ نے اپنی کوچنگ ٹیم تحلیل کردی

باہمی رضامندی سے اپنے کوچنگ اسٹاف کو فارغ کردیا،سربیئن ٹینس اسٹار ۔ فوٹو فائل

---

سربیئن ٹینس اسٹار نوواک جوکووچ نے عالمی ٹینس میں دوبارہ بلندی پانے کا مشن شروع کرتے ہوئے کوچنگ ٹیم تحلیل کردی۔

نوواک جوکووچ نے اپنی جو کوچنگ ٹیم تحلیل کی ہے اس میں ان کے دیرینہ کوچ میرین ویڈجا بھی شامل تھے، 29 سالہ جوکووچ کو گزشتہ برس نومبر میں اینڈی مرے نے ٹاپ پوزیشن سے محروم کردیا تھا۔

اس خبر کو بھی پڑھیں :نوواک جوکووچ کو اپ سیٹ شکست

سابق ورلڈ نمبرون پلیئر نے کہا کہ میرا بلند ترین مقصد ٹینس کورٹ میں ایک بار پھر فتوحات کی راہ پر گامزن ہونا ہے، میں نے باہمی رضامندی سے اپنے کوچنگ اسٹاف کو فارغ کردیا۔