میئر کراچی نے کچرا اٹھانے والی چینی گاڑیوں کو مسترد کردیا

مہینوں سےآئی ہوئی چینی مشینری تاحال کچرے کا بیک لاک ختم نہ کرسکی، وسیم اختر، فوٹو؛ فائل

---

میئر کراچی نے شہر میں کچرا اٹھانے کے لیے منگوائی گئی چینی گاڑیوں کو مسترد کردیا۔

ایکسپریس نیوز کے مطابق میئر کراچی وسیم اختر نے شہر میں کچرا اٹھانے والی چینی گاڑیوں کو مسترد کرتے ہوئے کہا کہ چینی گاڑیوں کا تجربہ بری طرح ناکام ہوچکا اور حکومت سندھ بھی چینی مشینری سے کچرا اٹھوانے میں کامیاب نہیں ہوسکی، مہینوں سےآئی ہوئی چینی مشینری تاحال کچرے کا بیک لاک ختم نہ کرسکی۔ انہوں نے کہا کہ کراچی کے مختلف اسپتالوں میں مچھر مار اسپرے کیا گیا ہے اور ہم مخصوص وسائل میں بہترین کام کرنے کی کوشش کررہے ہیں۔