کامیڈی ڈرامہ ’’سلف الدین کی سیلفی‘‘ بنانے کا اعلان

پروڈویوسر سلیم الحسن نے کامیڈی ڈرامہ سیریل''سلف الدین کی سیلفی'' بنانے کا اعلان کیا ہے جس کے رائٹروڈائریکٹر ڈاکٹرعطاء اللہ عالی ہیں۔

پروڈویوسر سلیم الحسن کئی سال بعد ٹی وی پروڈکشن میں واپس آگئے ہیں اور انھوں نے کامیڈی ڈرامہ سیریل''سلف الدین کی سیلفی'' بنانے کا اعلان کیا ہے تاہم ان دنوں ڈرامے کی کاسٹ فائنل کرنے کے لیے مختلف فنکاروں سے رابطے کیے جارہے ہیں۔


ڈرامے کے پروڈیوسر سلیم الحسن نے ''ایکسپریس'' سے گفتگو کرتے ہوئے کہا کہ ان دنوں سیلفی بنانے کا رجحان جنون کی حدتک پھیل گیا اور سیلفی بنوانے کے چکر میں بہت سے لوگ جان کی بازی ہارچکے ہیں۔

واضح رہے کہ اس ڈرامے میں مزاحیہ اندازمیں اس مناسبت سے موضوع شامل کیا گیا ہے تاکہ لوگ اس کے منفی اور مثبت پہلو بارے جان سکیں۔ ڈرامے کی کاسٹ فائنل ہوتے ہی ریکارڈنگ شروع کردی جائے گی۔