میوزک بینڈ ای شارپ‘‘ کا نیا البم ’’600 سال‘‘ ریلیز کردیا گیا
’’ای شارپ‘‘ کے پہلے البم ’’بہادر یار جنگ‘‘ کو لکس اسٹائل ایوارڈ کے لیے نامزد بھی کیا جاچکا ہے۔
’’ای شارپ‘‘ کے پہلے البم ’’بہادر یار جنگ‘‘ کو لکس اسٹائل ایوارڈ کے لیے نامزد بھی کیا جاچکا ہے۔ فوٹو: نیٹ
نوجوان گلوکاروں پر مشتمل بینڈ ''ای شارپ'' کا نیا میوزک البم ''600سال'' ریلیز کردیا گیا۔
البم لانچنگ کی تقریب کا آغاز کراچی کے نجی میوزک کیفے میں کیا گیا جس میں نوجوانوں کی بڑی تعداد نے شرکت کی۔ اس موقع پر بینڈ ممبر احمد زاور، انور احمد اور قمبر کاظمی نے اپنے منفرد انداز میں گیت گاکر سماں باندھ دیا جس سے تقریب میں موجود شرکا جھومتے رہے اور اس دوران شرکاء نے بھی ان کے ہم آواز ہوکر خوب محظوظ کیا۔
ای شارپ کا شمار کراچی کے ابھرتے ہوئے ان میوزک گروپس میں ہوتا جنہوں نے مختصر عرصے میں اپنے منفرد اور مخصوص گائیکی کے انداز سے مداحوں کے دل میں جگہ بنائی جب کہ گزشتہ سال ''ای شارپ'' کے پہلے البم ''بہادر یار جنگ'' کو لکس اسٹائل ایوارڈ کے لیے نامزد بھی کیا جاچکا ہے۔