کردار کیساتھ انصاف کرتی ہوں نئی فلم باکس آفس پر دھوم مچا دے گی انوشکا شرما

آنے والی فلم بھی باکس آفس پر دھوم مچادے گی، انوشکا شرما فوٹو : فائل

---

بالی وڈ اداکارہ انوشکا شرمانے کہا ہے کہ اپنے کام سے عشق کرتی ہوں ۔اداکارہ ہوں اور آیندہ جنم میں بھی اداکارہ ہی رہنا پسند کرونگی.

فلم فیئر ایوارڈ ملنے پر خوش ہوں ۔اپنے کام پر مزید دھیان دوں گی اور کام میں نکھار لانے کی کوشش کروں گی ۔ نئی فلم ''پیکے'' کی عکسبندی فروری سے شروع کروائیں گی۔ فلم ''رب نے بنا دی جوڑی'' سے کیریئر کا آغاز کرنے والی اداکارہ انوشکا شرما نے حال ہی میں بہترین پرفارمنس پر معاون اداکارہ کا فلم فیئر ایوارڈ بھی جیتا ہے ،ان کی کئی فلموں نے باکس آفس پر دھوم مچا ئی ہے۔

انھوں نے کہا کہ آنیوالی فلم بھی باکس آفس پر دھوم مچادے گی ، اب اپنے اگلے فلمی پراجیکٹ ''پیکے'' کی عکسبندی فروری سے کروائیں گی۔ فلم کی ہدایات راج کمار ہیرانی دے رہے ہیں اور فلم میں ان کے ہمراہ اداکار عامر خان کو کاسٹ کیا گیاہے۔ اداکارہ نے اپنے ایک حالیہ انٹرویو میں کہا کہ آیندہ فلم پیکے جس میں اداکار عامر بطور ہیرو ان کے مدمقابل جلوہ گر ہوں گے ، کردار کے ساتھ مکمل انصاف کرنے کی کوشش کروں گی اور انھیں یقین ہے کہ ان کی یہ فلم ''تھری ایڈیٹس'' سے زیادہ دھوم مچائے گی۔انوشکا شرما نے مختصر وقت میں چند ہی فلموں سے بالی وڈ میں اپنی پہچان بنالی ہے۔اس میں انوشکا کی فطری صلاحیتوں کے ساتھ اس کی محنت کا بھی دخل ہے۔

اس اداکارہ نے اب تک جتنے بھی ہدایت کاروں کی فلموں میں رول کیے ہیں، ان سب کی متفقہ رائے ہے کہ وہ اپنے کرداروں پر بہت زیادہ محنت کرتی ہے۔ 2008 میں رب نے بنادی جوڑی سے لے کر حال ہی میں ریلیز ہونے والی فلموں میں مختلف کرداروں میں شاندار پرفارمنس دی ہے ۔ پہلی فلم سے لے کر چند روز قبل نمائش کے لیے پیش کی جانے والی اس فلم تک، انوشکا کا کیریئر مسلسل بلندی کی جانب گامزن ہے۔



قدم بہ قدم کامیابیوں کے زینے طے کرتی ہوئی وہ اس مقام تک پہنچ گئی ہیں جہاں ایک اداکارہ کو مستند اداکار سمجھ لیا جاتا ہے۔انوشکا شرما نے کہا ہے کہ میرے خیال میں کامیابی کو خود پر سوار نہیں کرلینا چاہیے بلکہ اسے اپنے کام کو مزید بہتر طریقے سے انجام دینے کے لیے بنیاد کے طور پر استعمال کرنا چاہیے۔ میں اپنی کامیابیوں کی طرف دھیان نہیں دیتی، بلکہ میری توجہ اس بات پر ہوتی ہے کہ میرے پاس جو فلمیں ہیں، ان میں اپنی پرفارمنس کو زیادہ سے زیادہ بہتر بنائوں۔

میں اس قدر کامیاب ہونا چاہتی ہوں کہ اپنی شرائط پر کام کرسکوں۔ ایک اسٹار کے لیے ضروری ہے کہ وہ اپنی کامیابی اور شہرت کو، زیادہ سے زیادہ شائقین کو تھیئٹر کی جانب راغب کرنے میں استعمال کرے، اور میں یہی کرنا چاہتی ہوں۔انوشکا نے کہا کہ آج مجھے دیگر پیشوں کے بارے میں بھی معلومات ہیں اور مجھے اس حقیقت کا احساس ہوگیا ہے کہ ہر پیشہ خراب ہوتا ہے ۔دراصل فلم انڈسٹری میں آنے سے پہلے میں نے اس سے متعلق بہت سی کہانیاں پڑھی اور سنی تھیں، اس لیے بولی وڈ کے بارے میں میری رائے کچھ اچھی نہیں تھی۔

جب میں اس دنیا کا حصہ بنی تو پتا چلا کہ وہ سب جھوٹ تھا۔ 2008میں بالی وڈ سپر اسٹار شاہ رخ خان کے ساتھ کام کرنے کی خواہش بھی پوری ہوگئی ۔ فلم ''جب تک ہے جان ''میں بھرپور صلاحیتوں کا مظاہرہ کیا ۔لوگوں نے میری پرفارمنس کو پسند کیا اور آنیوالی فلموںکے لیے اپنے کام میں مزید نکھار پیدا کرنے کے لیے محنت کرتی رہوں گی ۔اداکارہ کا کہنا ہے کہ یش چوپڑا کی آخری فلم میں اہم کردار نبھانے پر فخر ہے ۔ مجھے اداکاری سے محبت ہے اور اپنے کام سے عشق کرتی ہوں ۔کامیابیوں پر بہت خوش ہوں ۔واضح رہے کہ 24سالہ اداکارہ انوشکا شرما نے کیرئیر ماڈلنگ سے شروع کیا ۔

2008میں تین فلمیں سائن کیں ان میں اداکارہ کی فلم ''رب نے بنادی جوڑی''اور ''بینڈ باجہ بارات ''پر بہترین اداکارہ کا فلم فیئر ایوارڈ ملا ۔اسکے بعد 2010میں فلم ''بدمعاش کمپنی''کی۔ 2011میں فلم''پٹیالہ ہائوس''میں پرفارم کیا ۔اسی دوران فلم ''لیڈی ورسز رکی بھل ''میں عمدہ پرفارمنس سے شائقین کے دل جیتے ۔اور اب فلم ''جب تک ہے جان ''میں جلوہ گر ہوئی ہیں ۔ قبل ازیں بالی وڈ اداکارہ انوشکا شرما کا کہنا ہے کہ اداکارہ کرینہ کپور کے بعد اداکار عامر خان اور اداکار عمران خان کے ساتھ کام کرنے والی دوسری اداکارہ بن گئی ہوں ۔

فلم ''رب نے بنا دی جوڑی'' سے فلمی کیریئر کا آغاز کیا اداکارہ نے بتایا کہ اداکار عامر خان اور ان کے بھانجے اداکار عمران خان کے ساتھ کام کرنے والی دوسری اداکارہ بن گئی ہوں ۔ اس سے قبل اداکارہ کرینہ کپور کو یہ اعزاز حاصل تھا۔واضح رہے کہ اداکارہ انوشکا شرما اداکارہ عامر خان کے ساتھ راج کمار ہیرانی کی فلم ''پیکے'' میں جلوہ گر ہو رہی ہیں۔ یہ فلم رواں سال 20123میں ہی سینما گھروں کی زینت بنائی جائے گی جس کی شوٹنگزابھی جاری ہیں اور جلد ہی اس کا کیمرہ کلوز ہو جائے گا۔