نئی اردوفلم ’’پرواز‘‘ بھی فلاپ انڈسٹری میں مایوسی بڑھ گئی

فلم کا پہلا شو بھی فل نہ ہوسکا ، لاہور میں فلم اپنے پوسٹرز کا بھی خرچہ نہ پورا کر سکی ۔ فوٹو : فائل

---

FAISALABAD: لاہور اورکراچی میں نمائش کے لیے پیش کی جانے والی نئی اردو اور پشتو فلم ''پرواز'' کے بری طرح فلاپ ہونے سے فلم انڈسٹری میں مایوسی بڑھ گئی۔

پرواز کے پروڈیوسر ملک یعقوب نور اور ہدایت کار شاہ زیب خان ہیں، فلم کمزور اسکرپٹ اور فنکاروں کی ناقص کارکردگی کی بنا پر فلاپ ہوئی، فلم میں نئے ہیرو ملک محمد خان کو فلم بینوں نے یکسر مسترد کردیا،فلم کا پہلا شو بھی فل نہ ہوسکا اور لاہور میں فلم اپنے پوسٹرز کا بھی خرچہ نہ پورا کر سکی تھی۔