کلبھوشن یادیو معاملہپاکستان کاعالمی عدالت انصاف میں بھرپور قانونی جنگ کا فیصلہ

TOKYO:
وزارت خارجہ نے بھارت کی جانب سے کلبھوشن کے معاملے کو عالمی عدالت انصاف میں لے جانے کے بعد اہم عالمی فورم پر بھی بھرپور قانونی جنگ لڑنے کا فیصلہ کیا ہے۔



بھارت کی جانب سے ''را'' کے ایجنٹ کلبھوشن کا معاملہ عالمی عدالت انصاف میں لے جانے کے حوالے سے وزارت خارجہ کا اجلاس ہوا جس میں موجودہ صورتحال اور تازہ پیش رفت پر غور کیا گیا، ذرائع دفتر خارجہ کے مطابق کلبھوشن معاملے پر عالمی عدالت انصاف میں مناسب قانونی جواب دیا جائے گا تاہم عالمی عدالت میں جواب کے لیے پہلے مکمل تیاری کی جائے گی۔

اس خبر کو بھی پڑھیں: حالیہ دہشتگرد حملوں کے تانے بانے افغانستان سے ملے، سرتاج عزیز




انٹرنیشنل کورٹ آف جسٹس نے ٹوئٹ کے ذریعے آگاہ کیا ہے کہ بھارت نے کلبھوشن یادیو کی سزا پر عملدرآمد رکوانے کے لئے اپیل کی ہے جس میں درخواست کی گئی ہے کہ کلبھوشن یادیو کی سزا پر عملدرآمد فوری طور پر رکوایا جائے اور کسی بھی تاخیر یا معاملے کی سماعت کے بغیر پاکستانی حکام کو کلبھوشن یادیو کی سزا رکوانے کا حکم جاری کیا جائے

اس خبر کو بھی پڑھیں : بھارت نے کلبھوشن کی سزا کیخلاف عالمی عدالت انصاف سے رجوع کرلیا

واضح رہے کہ کلبھوشن یادیو کو گزشتہ سال بلوچستان سے گرفتار کیا گیا ہے جس کے بعد اس نے تحقیقات کے دوران پاکستان کو غیرمستحکم کرنے کا اعتراف کیا