عمران خان کا ڈان لیکس کی تحقیقاتی رپورٹ منظر عام پر لانے کا مطالبہ

ڈان لیکس حکومت اور فوج کا نہیں بلکہ قومی سلامتی کا معاملہ تھا ایسے کس طرح حل ہوگیا، چیرمین تحریک انصاف، فوٹو؛ فائل

---

پاکستان تحریک انصاف کے چیرمین عمران خان نے ڈان لیکس کی تحقیقاتی رپورٹ کو منظر عام پر لانے کا مطالبہ کردیا۔

سماجی رابطے کی ویب سائٹ ٹویٹر پر اپنے بیان میں عمران خان نے کہا کہ ڈان لیکس کبھی بھی فوج اور حکومت کا معاملہ نہیں تھا، یہ قومی سلامتی کا معاملہ تھا جب کہ قوم جاننا چاہتی ہے کہ معاملے میں ایسا کیا تھا جسے ''حل'' کیا گیا۔

اس خبر کو بھی پڑھیں: نیوز لیکس سے متعلق معاملات طے پاگئے

DawnLeaks issue was never abt army & government. It was abt national security. The whole nation now needs to know what was "settled". 1/3

— Imran Khan (@ImranKhanPTI) May 10, 2017

عمران خان نے کہا کہ ہیلری کلنٹن سیکیورٹی ایشوز پر ای میل کے باعث الیکشن ہاریں جب کہ یہاں پوری قوم کو اندھیرے میں رکھا گیا، یہاں معاملہ کیسے حل ہوگیا۔

2/3 H Clinton said she lost bec of security issue over her email leaks. Here nation kept in dark on how national security breach resolved.

— Imran Khan (@ImranKhanPTI) May 10, 2017

اس خبر کو بھی پڑھیں: فوج اورحکومت کو آمنےسامنے کھڑا کردیا گیا، آئی ایس پی آر

چیرمین پی ٹی آئی کا کہنا تھا کہ جس طرح سے ڈان لیکس کا معاملہ حل کیا گیا ہے اس سے نمایاں ہوتا ہے کہ یہاں طاقتور کے لیے ایک قانون اور کمزور کے لیے دوسرا قانون ہے۔ عمران خان نے مطالبہ کیا کہ ڈان لیکس پر تحقیقاتی کمیشن رپورٹ کو منظر عام پر لانا چاہیے۔

3/3 Manner in which DawnLeak issue resolved shows clearly there is one law for the powerful & another law for the weak.

— Imran Khan (@ImranKhanPTI) May 10, 2017

Inquiry Commission Report must be made public.

— Imran Khan (@ImranKhanPTI) May 10, 2017

واضح رہے کہ وزیراعظم نوازشریف اور آرمی چیف کے درمیان ملاقات میں ڈان لیکس کے معاملات طے پاگئے جس کی تصدیق آئی ایس پی آر کی جانب سے بھی کی گئی ہے جب کہ آئی ایس پی آر نے ڈان لیکس سے متعلق 29 اپریل کی ٹوئٹ کو بھی واپس لے لیا ہے۔