بھارتی ٹینس اسٹار ثانیہ مرزا نے میڈرڈ اوپن ٹینس کے ویمنز ڈبلز کوارٹر فائنل میں رسائی حاصل کرلی۔

ثانیہ مرزا نے پری کوارٹر فائنل میں کرسٹینا میک ہیل اور مونیکا نکولسکو کے خلاف 0-2 سے کامیابی سمیٹی۔ ثانیہ نے قازقستان کی پارٹنر یاروسلاوا شویدووا کے ہمراہ پری کوارٹرفائنل میں امریکی کرسٹینا میک ہیل اوررومانوی پلیئر مونیکا نکولسکو کی جوڑی کو اسٹریٹ سیٹس میں 0-2 سے ہرادیا۔ میچ کا اسکور 1-6 اور 5-7 رہا۔ کل کوارٹر فائنل میں ان کا مقابلہ رومانوی جوڑی سیمونا ہالیپ اور ایرینا کامیلا بیگو سے ہوگا۔