پاکستان کی جانب سے ایل او سی پر بھارتی جارحیت کی شدید مذمت

بھارت کی جانب سے ایل او سی کے 6 مقامات پر فائر بندی کی خلاف ورزی کی گئی، دفتر خارجہ۔ فوٹو: فائل

---

پاکستان نے بھارت کی جانب سے لائن آف کنٹرول پر بلا اشتعال فائرنگ سے پاکستانی خاتون کی شہادت اور 2 افراد کے زخمی ہونے کی شدید الفاظ میں مذمت کی ہے۔

ترجمان دفتر خارجہ کی جانب سے جاری بیان میں کہا گیا ہے کہ بھارت کی جانب سے گزشتہ روز ایل او سی کے 6 مقامات پر فائر بندی کی خلاف ورزی کی گئی جس کی شدید الفاظ میں مذمت کرتے ہیں۔

اس خبر کو بھی پڑھیں: ایل او سی پر بھارتی فوج کی شہری آبادی پر بلااشتعال فائرنگ

ترجمان دفتر خارجہ کے مطابق بھارت کی ایل او سی پر فائرنگ کے نتیجے میں ایک پاکستانی شہری رضوان شہید ہوا جب کہ خاتون سمیت 2 شہری زخمی ہوئے، زخمیوں کی شناخت ولایت بی بی اور عبدالعزیز کے ناموں سے ہوئی ہے۔