سندھ بھرکے تعلیمی اداروں میں شب برات کے موقع پرتعطیل کا اعلان
صوبے بھر کے تعلیمی اداروں میں تعطیل ہوگی تاہم امتحانات اپنے شیڈول کے مطابق ہوں گے، محکمہ داخلہ سندھ
صوبہ سندھ کے تعلیمی اداروں میں شبِ برات کے موقع پر جمعے کو تعطیل کا اعلان کردیا گیا ہے۔
محکمہ تعلیم سندھ کی جانب سے جاری کیے گئے اعلامیے کے مطابق 12 مئی بروز جمعہ شبِ برات کے موقع پر صوبے بھر کے تمام سرکاری، نیم سرکاری اور نجی تعلیمی اداروں میں تعطیل ہوگی تاہم انٹر اور جامعات میں ہونے والے امتحانات اپنے شیڈول کے مطابق ہوں گے۔
دوسری جانب ٹھٹہ کی ضلعہ انتظامیہ نے معروف روحانی برزگ حضرت عبداللہ شاہ اصحابی کے عرس کی مناسبت سے ضلع بھر میں عام تعطیل کا اعلان کردیا ہے۔