بہاولپور سے کالعدم تنظیم کا دہشت گرد گرفتار سی ٹی ڈی

دہشت گرد یونس کالعدم تنظیم کا اہم رکن ہے جس کے قبضے سے ممنوعہ مواد اور دیگر سامان بھی برآمد ہوا ہے، فوٹو؛ فائل

---

سی ٹی ڈی نے بہاولپور میں کارروائی کرتے ہوئے کالعدم تنظیم کے مبینہ دہشت گرد کو گرفتار کرلیا۔

ایکسپریس نیوز کے مطابق کاؤنٹر ٹیررازم ڈیپارٹمنٹ (سی ٹی ڈی) نے بہاولپور میں کارروائی کرتے ہوئے کالعدم تنظیم کے اہم رکن کو گرفتار کرلیا۔ سی ٹی ڈی حکام کے مطابق دہشت گرد یونس کو بہاولپور کے علاقے اڈا مدلسہ منڈی سے گرفتار کیا گیا جس کے قبضے سے ممنوعہ مواد اور دیگر سامان بھی برآمد ہوا ہے۔ سی ٹی ڈی ذرائع کا کہنا ہےکہ دہشت گرد یونس جرائم کی سنگین وارداتوں میں ملوث اور پولیس کو مطلوب تھا۔