غیر اخلاقی اور ذاتیات پر تنقید سے غصہ آتا ہے مصباح الحق
تنقید برائے تنقید کرنے والے میڈیا کو اپنی پالیسی کا ازسر نو جائزہ لینے کی ضرورت ہے، مصباح الحق
تنقید برائے تنقید کرنے والے میڈیا کو اپنی پالیسی کا ازسر نو جائزہ لینے کی ضرورت ہے، مصباح الحق . فوٹو : فائل
FAISALABAD:
پاکستان ٹیسٹ ٹیم کے قائد مصباح الحق نے کہا ہے کہ غیر اخلاقی اور ذاتیات پر تنقید سے غصہ آتا ہے لہذا میڈیا پالیسی کا ازسر نو جائزہ لے۔
برطانوی نشریاتی ادارے سے گفتگو کرتے ہوئے انہوں نے کہا کہ جب غیر اخلاقی اور ذاتیات پر تنقید کی جاتی ہے تو غصہ آتا ہے، مسلمان ہونے کی بناء پر ہم یہ کہتے تو ہیں کہ کسی کو دکھ نہیں دینا چاہیے لیکن ان باتوں پر عمل کوئی نہیں کرتا، تنقید برائے تنقید کرنے والے میڈیا کو اپنی پالیسی کا ازسر نو جائزہ لینے کی ضرورت ہے، جس طرح بعض اوقات کرکٹرز کی کردار کشی اور ان کی نجی زندگی کو اچھالا جاتا ہے، ایسا نہ ہو کہ والدین بچوں کو کھیلوں میں بھیجنا ہی بند کر دیں۔
اس خبر کو بھی پڑھیں : چیپل کی تلخ باتوں کا مصباح الحق نے کرارا جواب دیدیا
مصباح نے کہا کہ کرکٹ کے میدان کی طرح عام زندگی میں بھی بہت زیادہ اور جلدی ردعمل ظاہر نہیں کرتا اور معاملات ہلکے پھلکے انداز میں نمٹاتا ہوں، کرکٹ کی مصروفیات کے سبب میانوالی جانے اور پرانے دوستوں سے ملنے کا موقع بہت کم ملا لیکن یہ وہ سچے دوست ہیں جن کی دوستی کبھی ختم ہونے والی نہیں ہے۔ انہوں نے کہا کہ پرانی یادوں کو بہت زیادہ محسوس کرتا ہوں اور ریٹائرمنٹ کے بعد ان تمام لوگوں سے دوبارہ مل کر پرانی یادیں تازہ کروں گا، میانوالی کے لوگ ذہنی و جسمانی طور پر بہت مضبوط ہیں لیکن وہاں کھیل کے میدان نہیں ہیں، خواہش ہے کہ وہاں تعلیم، صحت اور کھیل کی حالت بہتر کرنے کیلیے دوستوں کے ساتھ مل کر اپنا کردار ادا کروں۔
پاکستان ٹیسٹ ٹیم کے قائد مصباح الحق نے کہا ہے کہ غیر اخلاقی اور ذاتیات پر تنقید سے غصہ آتا ہے لہذا میڈیا پالیسی کا ازسر نو جائزہ لے۔
برطانوی نشریاتی ادارے سے گفتگو کرتے ہوئے انہوں نے کہا کہ جب غیر اخلاقی اور ذاتیات پر تنقید کی جاتی ہے تو غصہ آتا ہے، مسلمان ہونے کی بناء پر ہم یہ کہتے تو ہیں کہ کسی کو دکھ نہیں دینا چاہیے لیکن ان باتوں پر عمل کوئی نہیں کرتا، تنقید برائے تنقید کرنے والے میڈیا کو اپنی پالیسی کا ازسر نو جائزہ لینے کی ضرورت ہے، جس طرح بعض اوقات کرکٹرز کی کردار کشی اور ان کی نجی زندگی کو اچھالا جاتا ہے، ایسا نہ ہو کہ والدین بچوں کو کھیلوں میں بھیجنا ہی بند کر دیں۔
اس خبر کو بھی پڑھیں : چیپل کی تلخ باتوں کا مصباح الحق نے کرارا جواب دیدیا
مصباح نے کہا کہ کرکٹ کے میدان کی طرح عام زندگی میں بھی بہت زیادہ اور جلدی ردعمل ظاہر نہیں کرتا اور معاملات ہلکے پھلکے انداز میں نمٹاتا ہوں، کرکٹ کی مصروفیات کے سبب میانوالی جانے اور پرانے دوستوں سے ملنے کا موقع بہت کم ملا لیکن یہ وہ سچے دوست ہیں جن کی دوستی کبھی ختم ہونے والی نہیں ہے۔ انہوں نے کہا کہ پرانی یادوں کو بہت زیادہ محسوس کرتا ہوں اور ریٹائرمنٹ کے بعد ان تمام لوگوں سے دوبارہ مل کر پرانی یادیں تازہ کروں گا، میانوالی کے لوگ ذہنی و جسمانی طور پر بہت مضبوط ہیں لیکن وہاں کھیل کے میدان نہیں ہیں، خواہش ہے کہ وہاں تعلیم، صحت اور کھیل کی حالت بہتر کرنے کیلیے دوستوں کے ساتھ مل کر اپنا کردار ادا کروں۔