جیکی شروف نے سیلفی لینے کی کوشش پرمداح کو مغلظات بک دیں

اداکار کی مداح کو مغلظات بکنے کی ویڈیو سوشل میڈیا پر تیزی سے وائرل ہورہی ہے، فوٹو؛ فائل

---

بالی ووڈ کے لیجنڈری اداکار جیکی شروف سیلفی لینے کی کوشش کرنے پر مداح پر سیخ پا ہوگئے اورسب کے سامنے مغلظات بھی دے ڈالیں۔

اداکارجیکی شروف فلم کی تشہیرکے لیے بھارتی شہر بھوپال میں موجود ہیں جہاں وہ خریداری کے لیے بازار میں نکلے تو اس دوران مداحوں کی بھیڑ نے انہیں گھیر لیا جب کہ ایک مداح نے جیکی شروف کے ساتھ سیلفی لینے کی کوشش کی جس پر اداکار غصے میں آگئے اورمداح کومغلظات بک دیں جسے کیمرے کی آنکھ نے محفوظ کرلیا۔

دوسری جانب اداکار جیکی شروف کی مداح کے ساتھ بدتمیزی کی ویڈیوسوشل میڈیا پر تیزی سے وائرل ہورہی ہے اور انہیں سخت تنقید کا نشانہ بنایا جارہا ہے ۔

واضح رہے کہ اداکار جیکی شروف فلم ''سرکار3''کی تشہیری مہم میں شریک ہیں۔