سلویسٹراسٹالون اورجیکی چن پہلی بارفلم میں ایک ساتھ جلوہ گرہونے کوتیار

چینی پروڈکشن ہاؤس کے بینر تلے بننے والی فلم 80 ملین ڈالر کے خطیر بجٹ سے بنائی جائے گی، فوٹو:فائل

---

ہالی ووڈ کے ایکشن سپر اسٹار سلویسٹر اسٹالون اور چینی فلم اسٹار جیکی چن پہلی بار ایکشن تھرل فلم ''ایکس بغداد'' میں ایک ساتھ جلوہ گر ہوں گے۔

فلموں میں اپنی اداکاری سے سب کو حیران کردینے والے 2 سپر اسٹارز سلویسٹر اسٹالون اور جیکی چن کسی تعارف کے محتاج نہیں ہیں اور دونوں کودنیا بھر میں یکساں مقبولیت حاصل ہے جب کہ اپنے ایکشن سے فلم بینوں کی سانس روکنے والے دونوں سپر اسٹار پہلی بار سلور اسکرین پر ایک ساتھ جلوہ گر ہوں گے۔

ہالی ووڈ اسٹار سلویسٹر اسٹالون اور جیکن چن فلم ''ایکس بغداد'' میں ایک ساتھ نظر آئیں گے جس کی ہدایت کاری کے فرائض معروف ہدایت کار اسکاٹ وا سرانجام دیں گے جب کہ چینی پروڈکشن ہاؤس کے بینر تلے بننے والی فلم 80 ملین ڈالر کے خطیر بجٹ سے بنائی جائے گی۔

فلم کی کہانی عراقی شہر موصل میں آئل ریفائنری پر دہشت گردوں کے حملے کے نتیجے میں مغوی کارکنوں کی رہائی کی مہم جوئی پر مبنی ہے جس میں دونوں اسٹار مرکزی کرداروں میں نظر آئیں گے۔