سندھ حکومت کا 11 اور 12 ربیع الاول کوعام تعطیل کا اعلان

صوبے بھر میں جشن عید میلاد النبی صلی اللہ علیہ وسلم کے موقع پر سیکیورٹی کے انتہائی سخت انتطامات کئے گئے ہیں. فوٹو ایکسپریس

---

سندھ حکومت نے 11 اور 12 ربیع الاول کے موقع پرصوبے میں عام تعطیل کا اعلان کیا ہے۔

حکومت سندھ کے اعلامئے کے مطابق صوبے میں 11 اور12ربیع الاول کو عام تعطیل ہوگی، 11ربیع الاول کو عام تعطیل کے موقع پرسندھ حکومت کے زیرانتظام چلنے والے تمام محکمے اورتعلیمی ادارے بند رہیں گے جب کہ وفاقی اردو یونی ورسٹی کے ترجمان کے مطابق یونی ورسٹی وفاقی حکومت کے اعلان کے مطابق 12ربیع الاول کو بندرہے گی۔

دوسری جانب ربیع الاول کے موقع پر صوبے میں سیکیورٹی کے انتہائی سخت انتظامات کئے گئے ہیں اس حوالے سے آج کراچی میں رینجرز ہیڈ کوارٹر میں اعلیٰ سطح کے اجلاس میں جشن عید میلاد النبی صلی اللہ علیہ وسلم کے موقع پر جلوسوں کی سیکیورٹی کے انتطامات کو حتمی شکل دی گئی ۔