گوادر ميں شہید ہونے والے 9 مزدوروں کی نماز جنازہ ادا

شہید ہونے والے افراد میں 3 سگے بھائی بھی شامل تھے: فوٹو: فائل

---

CHARSADDA: گزشتہ روز گوادر ميں نامعلوم افراد کی فائرنگ سے شہید ہونے والے 9 مزدوروں کی نماز جنازہ ادا کر دی گئی۔

ایکسپریس نیوز کے مطابق گزشتہ روز گوادر کے علاقے گنت پیشکان میں نامعلوم افراد کی فائرنگ سے شہید ہونے والے 9 مزدوروں کی نماز جنازہ نوشہرو فیروز کے گاؤں صدیق لاکھو میں ادا کردی گئی۔ شہید ہونے والے افراد میں 3 سگے بھائی بھی شامل تھے۔ نماز جنازہ میں صوبائی وزیر ضياء لنجار سمیت شہریوں کی بڑی تعداد نے شرکت کی۔

اس خبرکو بھی پڑھیں: گوادر میں فائرنگ سے 10 مزدور جاں بحق

واضح رہے کہ گزشتہ روز بلوچستان کے ضلع گوادر کے علاقے گنت پیشکان میں نامعلوم افراد نے سڑک کی تعمیر میں مصروف مزدوروں پر فائرنگ کر کے 10 افراد کو شہید اور 2 کو زخمی کر دیا تھا۔