کرپشن کے گاڈ فادر نواز شریف کرپشن کیسے روک سکتے ہیں عمران خان
نواز شریف کو جیل بھجوانے تک ان کا پیچھا نہیں چھوڑوں گا، چیرمین تحریک انصاف کا ایبٹ آباد میں جلسے سے خطاب
کرپٹ حکمرانوں کے احتساب تک ملک ترقی نہیں کر سکتا، عمران خان۔ فوٹو: آن لائن
لاہور:
پاکستان تحریک انصاف کے چیرمین عمران خان نے ایک بار پھر وزیراعظم کو شدید تنقید کا نشانہ بناتے ہوئے کہا کہ نواز شریف جو کرپشن کے گاڈ فادر اور سردار ہیں وہ کس طرح سے کرپشن روک سکتے ہیں۔
ایبٹ آباد میں جلسے سے خطاب کرتے ہوئے عمران خان کا کہنا تھا کہ کشمیری ایک عرصے سے بھارتی فوج کے ظلم و ستم سہہ رہے ہیں لیکن اس کے باوجود ان کا جذبہ اور حوصلہ دیکھ کر انہیں خراج تحسین پیش کرتے ہیں، سب سے زیادہ خوشی اس بات کی ہے کہ اب کشمیر کے اسکولوں کی بچیاں بھی آزادی مانگ رہی ہیں۔ ان کا کہنا تھا کہ جب ایک قوم کو شعور آ جاتا ہے کہ غلامی کیا ہے اور آزادی کیا ہے تو اس قوم کو کوئی بھی غلام نہیں بنا سکتا، اسی طرح جب ایک قوم کے نوجوانوں کو سمجھ آ جائے کہ حکمران کرپشن کر رہے تو عوام اس کے خلاف اٹھ کھڑے ہوتے ہیں۔
اس خبر کو بھی پڑھیں: وزیراعظم کرپشن ختم کرنے کیلئے قدم اٹھائیں گے تو خود پکڑے جائیں گے
عمران خان نے کہا کہ پاکستان میں مہنگائی، بے روز گاری اور غربت کی سب سے بڑی وجہ کرپشن ہے اور امریکی محکمہ خارجہ کے سروے کے مطابق پاکستان سے سالانہ ایک ہزار ارب روپے کی منی لانڈرنگ ہوتی ہے۔ 2013 میں نواز شریف نے بجلی کے نئے منصوبوں کے لئے 480 ارب روپے جاری کئے اور سینیٹ کی قائمہ کمیٹی میں یہ بات سامنے آئی کہ ان منصوبوں میں 62 ارب روپے کی کرپشن ہوئی جب کہ مزید 120 ارب روپے کی خردبرد کا بھی شبہ ہے، جب تک حکمرانوں کا احتساب نہیں ہو گا تو اس وقت تک ملک ترقی نہیں کر سکتا، ہمارا وزیراعظم کرپشن میں رنگے ہاتھوں پکڑا گیا ہے اور جب معاملہ سپریم کورٹ میں گیا تو وہاں قطری کا جھوٹا خط پیش کیا گیا، پاناما کیس کی جے آئی ٹی میں نواز شریف کی اصل دولت سامنے آ جائے گی اور جب ہماری حکومت آئی تو چھوٹے چوروں کو نہیں بڑے بڑے مگر مچھوں کو جیل میں ڈالیں گے، ہم ایک باشعور قوم ہیں اور سب سے مل کر کرپشن کا راستہ روکنا ہے۔
اس خبر کو بھی پڑھیں: نوازشریف کی موجودگی میں ملک سے کرپشن ختم نہیں ہوگی، عمران خان
چیرمین تحریک انصاف نے وزیراعظم کو کرپشن کا گاڈ فادر اور سردار قرار دیتے ہوئے کہا کہ وہ کیسے کرپشن روک سکتا ہے جس کے ہاتھ خود کرپشن میں رنگے ہوں، نواز شریف پاکستانی عوام کو حقارت کی نگاہ سے دیکھتے ہیں اور پوری قوم کو اپنی طرح بے وقوف سمجھتے ہیں، نواز شریف کو جیل بھجوانے تک ان کا پیچھا نہیں چھوڑوں گا۔ انہوں نے کہا کہ وزیراعظم ہاؤس سے خبر نکلتی ہے جس میں مودی کی زبان بولی جاتی ہے، اس ملک کو اصل خطرہ باہر سے نہیں اندر سے ہی ہے۔
مولانا فضل الرحمان کے حوالے سے ان کا کہنا تھا کہ جمیعت علمائے اسلام (ف) کے سربراہ کو مولانا کہنا مولانا کی توہین سمجھتا ہوں۔ انہوں نے ایک بار پھر مولانا فضل الرحمان کو ڈیزل کا خطاب دیتے ہوئے کہا کہ ایک لیٹر ڈیزل کیلے 50 فیصد ٹیکس دینا پڑتا ہے۔
پاکستان تحریک انصاف کے چیرمین عمران خان نے ایک بار پھر وزیراعظم کو شدید تنقید کا نشانہ بناتے ہوئے کہا کہ نواز شریف جو کرپشن کے گاڈ فادر اور سردار ہیں وہ کس طرح سے کرپشن روک سکتے ہیں۔
ایبٹ آباد میں جلسے سے خطاب کرتے ہوئے عمران خان کا کہنا تھا کہ کشمیری ایک عرصے سے بھارتی فوج کے ظلم و ستم سہہ رہے ہیں لیکن اس کے باوجود ان کا جذبہ اور حوصلہ دیکھ کر انہیں خراج تحسین پیش کرتے ہیں، سب سے زیادہ خوشی اس بات کی ہے کہ اب کشمیر کے اسکولوں کی بچیاں بھی آزادی مانگ رہی ہیں۔ ان کا کہنا تھا کہ جب ایک قوم کو شعور آ جاتا ہے کہ غلامی کیا ہے اور آزادی کیا ہے تو اس قوم کو کوئی بھی غلام نہیں بنا سکتا، اسی طرح جب ایک قوم کے نوجوانوں کو سمجھ آ جائے کہ حکمران کرپشن کر رہے تو عوام اس کے خلاف اٹھ کھڑے ہوتے ہیں۔
اس خبر کو بھی پڑھیں: وزیراعظم کرپشن ختم کرنے کیلئے قدم اٹھائیں گے تو خود پکڑے جائیں گے
عمران خان نے کہا کہ پاکستان میں مہنگائی، بے روز گاری اور غربت کی سب سے بڑی وجہ کرپشن ہے اور امریکی محکمہ خارجہ کے سروے کے مطابق پاکستان سے سالانہ ایک ہزار ارب روپے کی منی لانڈرنگ ہوتی ہے۔ 2013 میں نواز شریف نے بجلی کے نئے منصوبوں کے لئے 480 ارب روپے جاری کئے اور سینیٹ کی قائمہ کمیٹی میں یہ بات سامنے آئی کہ ان منصوبوں میں 62 ارب روپے کی کرپشن ہوئی جب کہ مزید 120 ارب روپے کی خردبرد کا بھی شبہ ہے، جب تک حکمرانوں کا احتساب نہیں ہو گا تو اس وقت تک ملک ترقی نہیں کر سکتا، ہمارا وزیراعظم کرپشن میں رنگے ہاتھوں پکڑا گیا ہے اور جب معاملہ سپریم کورٹ میں گیا تو وہاں قطری کا جھوٹا خط پیش کیا گیا، پاناما کیس کی جے آئی ٹی میں نواز شریف کی اصل دولت سامنے آ جائے گی اور جب ہماری حکومت آئی تو چھوٹے چوروں کو نہیں بڑے بڑے مگر مچھوں کو جیل میں ڈالیں گے، ہم ایک باشعور قوم ہیں اور سب سے مل کر کرپشن کا راستہ روکنا ہے۔
اس خبر کو بھی پڑھیں: نوازشریف کی موجودگی میں ملک سے کرپشن ختم نہیں ہوگی، عمران خان
چیرمین تحریک انصاف نے وزیراعظم کو کرپشن کا گاڈ فادر اور سردار قرار دیتے ہوئے کہا کہ وہ کیسے کرپشن روک سکتا ہے جس کے ہاتھ خود کرپشن میں رنگے ہوں، نواز شریف پاکستانی عوام کو حقارت کی نگاہ سے دیکھتے ہیں اور پوری قوم کو اپنی طرح بے وقوف سمجھتے ہیں، نواز شریف کو جیل بھجوانے تک ان کا پیچھا نہیں چھوڑوں گا۔ انہوں نے کہا کہ وزیراعظم ہاؤس سے خبر نکلتی ہے جس میں مودی کی زبان بولی جاتی ہے، اس ملک کو اصل خطرہ باہر سے نہیں اندر سے ہی ہے۔
مولانا فضل الرحمان کے حوالے سے ان کا کہنا تھا کہ جمیعت علمائے اسلام (ف) کے سربراہ کو مولانا کہنا مولانا کی توہین سمجھتا ہوں۔ انہوں نے ایک بار پھر مولانا فضل الرحمان کو ڈیزل کا خطاب دیتے ہوئے کہا کہ ایک لیٹر ڈیزل کیلے 50 فیصد ٹیکس دینا پڑتا ہے۔