اداکارہ حنا دل پذیر نے کہا ہے کہ میرے مزاحیہ ڈراموں سے کروڑوں روپے کمانے والے پروڈیوسر مجھے چند لاکھ روپے دینے سے کیوں گھبراتے ہیں۔

اپنے ایک انٹرویو کے دوران حنا دل پذیر نے کہا کہ میں نے پاکستان کی ٹی وی انڈسٹری میں مزاحیہ ڈراموں کے حوالے سے ایک منفرد کام کاآغاز کیا اور خدا کا شکر ہے کہ آج میرے ڈراموں کے مزاحیہ کرداروں کو پسند کیا جار ہا ہے۔ انھوں نے کہا کہ پاکستانی فلم انڈسٹری بھی صرف اس وجہ سے زوال کا شکار ہوئی وہاں سے لوگوں نے خود تو کروڑوں کما لیے مگر فنکاروں کو کچھ نہیں دیا اور اب اگر ٹی وی ڈراموں میں بھی ایسا ہی ہو گا تو پھر مستقبل کا اللہ ہی حافظ ہے۔