ملائکہ اپنے نام کے ساتھ خان لگا دیکھ کرکیوں طیش میں آئیں

بالی ووڈ کی آئٹم گرل ملائکہ اروڑہ نے تقریب میں اپنے نام کے ساتھ سابقہ شوہر ارباز خان کا نام لگانے پر اعتراض کیا اور پھر خود ہی تختی پر ''خان'' کے نام والا حصہ پھاڑ کر علیحدہ کردیا۔

بالی ووڈ اسٹار ارباز خان اور آئٹم گرل ملائکہ اروڑ کے درمیان 18 سالہ رفاقت کے بعد باقاعدہ طلاق ہوگئی ہے اور ارباز نے بھی سابقہ اہلیہ کو بیٹے کی تعلیم وپرورزش اور نان نفقہ کی مد میں 15 کروڑ دینے پر آمادگی ظاہر کردی ہے لیکن اب ایک تقریب میں اداکارہ نے سب کے سامنے حیران کن حرکت کردی۔

اس خبر کو بھی پڑھیں: ارباز اور ملائکہ نے راہیں جدا کرلیں


بھارتی میڈیا رپورٹس کے مطابق گزشتہ روز ملائکہ اروڑہ نے باقاعدہ طلاق کے بعد ممبئی میں منعقدہ ایک تقریب میں شرکت کی جہاں ان کا نام نشست پر سابقہ شوہر کے خاندانی نام ''خان'' کے ساتھ درج تھا جس پر اداکارہ نے اعتراض کیا اور منتظمین سے''خان '' لفظ ہٹانے کو کہا لیکن پھر خود ہی اپنے نام کی تختی سے ''خان'' والا حصہ پھاڑ دیا جس پر تقریب میں موجودشرکا بھی حیران رہ گئے۔

اس خبر کو بھی پڑھیں: ارباز نے سابقہ اہلیہ ملائکہ کو ان کی سوچ سے زیادہ نواز دیا

واضح رہے کہ ارباز خان اورملائکہ اروڑہ نے 1998 میں شادی کی تھی اور ان کا ایک بیٹا ہے ۔