وینا ملک اپنی نئی بالی ووڈ فلم کیلئے ہیرو کی تلاش کر رہی ہیں

وینا ملک نے کہا کہ اس مقابلے کے زریعے نئے ٹیلنٹ کو آگے آنے کا موقع ملے گا۔ فوٹو: فائل

---

پاکستانی اداکارہ وینا ملک اپنی نئی بالی ووڈ فلم "دا سٹی دیٹ نیور سلیپس" کے لئے مقابلے کے زریعے ایک نئے ہیرو کی تلاش کر رہی ہیں۔

فلم کی تشہیر کے لئے کی گئی پریس کانفرنس میں وینا ملک نے کہا کہ میں اس فلم کے لئے ایک نئے چہرے کی تلاش میں ہوں جو میرے اپوزٹ ہیرو کا کردار نبھائے گا۔ وینا ملک نے کہا کہ وہ اس مقابلے کے لئے کافی خوش ہیں اور اس کے زریعے نئے ٹیلنٹ کو آگے آنے کا موقع ملے گا۔

شادی کے حوالے سے وینا ملک نے کہا کہ شادی قسمت سے ہوتی ہے اور جب صحیح وقت ہو گا تو شادی بھی ہو جائے گی، انہوں نے کہا کہ ان کا ابھی شادی کرنے کا کوئی ارادہ نہیں ہے اور ان کی تمام تر توجہ اس وقت اپنے کیرئیر پر ہے۔

وینا ملک بالی ووڈ میں اپنی پچھلی فلم "دال میں کچھ کالا ہے" میں نظر آئیں تھیں، ان کی دوسری 2 فلمیں "زندگی 50-50" اور "ممبئی 125 کے ایم 3 ڈی" ریلیز ہونے میں تاخیر کا شکار ہو گئیں۔