ارد گان کو ”ہٹلر“ کہنے پر ترک باسکٹ بال پلیئر کا پاسپورٹ منسوخ

پاسپورٹ منسوخ کرنے کی وجہ میرے سیاسی نظریات ہیں اوریہ سب ترک صدر کی ایماء پر کیا گیا ہے،انیس کانتر ۔ فوٹو : بشکریہ ٹویٹر

---

ترک صدر رجب طیب اردگان کو "ہٹلر آف سنچری" کہنے پر ترک باسکٹ بال پلیئر کا پاسپورٹ منسوخ کردیا گیا۔

امریکی جریدے کے مطابق اوکلا ہاما سٹی تھنڈر کی طرف سے کھیلنے والے ترک پلیئر انیس کانتر رومانیہ سے لندن جا رہے تھے جہاں انہیں روک لیا گیا اور پوچھ گچھ کے بعد جانے کی اجازت دیدی گئی۔ 25 سالہ کانتر نے سوشل میڈیا پر اپنے پیغام میں کہا کہ "مجھے رومانوی ایئرپورٹ پر پولیس نے روک لیا، مجھے بتایا گیا کہ ترک ایمبیسی نے میرا پاسپورٹ منسوخ کردیا ہے۔ اس اقدام کی وجہ میرے سیاسی نظریات ہیں، یہ سب ترک صدر رجب طیب ارگان کی ایماء پر کیا گیا۔ "

I'm being held at Romanian airport by Police!! pic.twitter.com/uYZMBqKx54

— Enes Kanter FREEDOM (@EnesFreedom) May 20, 2017

بعد ازاں ایک اور پیغام میں انہوں نے بتایا کہ "مجھے جانے کی اجازت مل گئی ہے، اس حوالے سے بہت کچھ کہنا چاہتا ہوں، نیویارک میں پریس کانفرنس کے دوران بہت سے معاملات سے پردہ اٹھاﺅں گا۔"

All good baby!
Gonna give press conference tomorrow in NY.
Got lots of things to say with lots of crazy stories.
Be ready!!!
Ohhh Yeeahhh pic.twitter.com/CXktUXk2PS

— Enes Kanter FREEDOM (@EnesFreedom) May 20, 2017

واضح رہے کہ کانتر ترک صدر کے خلاف سخت بیانات دیتے رہتے ہیں، انہوں نے ایک ویڈیو پیغام میں اردگان کو "رواں صدی کا ہٹلر" قرار دیا تھا۔