اظہر محمود بولرز کی کارکردگی سے مطمئن

پاکستان کرکٹ ٹیم کے بولنگ کوچ اظہر محمود نے دورہ ویسٹ انڈیز کے دوران بولرز کی کارکردگی پر اطمینان کا اظہار کیا ہے۔

ایک انٹرویو میں انہوں نے کہا کہ محمد عامر کے ساتھ ان کی بولنگ میں چند تبدیلیوں پر کام کیا ہے جس سے ویسٹ انڈیز کے خلاف سیریز میں ان کی کارکردگی بہتر ہوئی ہے، پیسر اپنے ردھم میں واپس آرہے ہیں۔ حسن علی کا رویہ زبردست ہے، وہ کھیلنا چاہتے ہیں، سیکھنا چاہتے ہیں اور عمدہ کارکردگی پیش کرنا چاہتے ہیں۔


اس خبر کو بھی پڑھیں :ان فٹ عمر اکمل چیمئنز ٹرافی سے آؤٹ

اظہر محمود نے کہا کہ نوجوان پیسر محمد عباس کے ساتھ کام کرکے خوشی ہوئی، ان میں سیکھنے کا بے انتہا شوق ہے اور بے پناہ عزم و ہمت کے حامل ہیں۔ وقت گزرنے کیساتھ ان س کی کارکردگی میں صرف بہتری ہی آئے گی۔ وہاب ریاض کی کارکردگی بھی بہتر رہی اور انہوں نے نو بالز کی خامی پر قابو پا لیا ہے۔ لیگ اسپنر یاسر شاہ سیریز میں 25 وکٹیں لے کر دوبارہ اعتماد حاصل کر چکے ہیں، ان کے بولنگ ایریاز بہتر بنانے پر کام کر رہے ہیں۔