سینئر اسکواش عامر اطلس نے بلال ذاکر کو شکست دیدی

ویمنز میں مقدس اشرف نے عالیہ سرفراز کو زیر کر لیا، سیمی فائنلز آج کھیلے جائینگے۔ فوٹو: فائل

---

لاہور: نیشنل سینئر اسکواش چیمپئن شپ کے کوارٹر فائنل میں عامر اطلس خان نے بلال ذاکر کو شکست دے دی،مقدس اشرف نے عالیہ سرفراز کو زیر کر لیا۔

پنجاب اسکواش کمپلیکس لاہور میں جاری ایونٹ میں واپڈا کے عامر اطلس خان نے آرمی کے بلال ذاکر کیخلاف11,8,11-8 اور11-5 سے کامیابی حاصل کی، واپڈا کے دوسرے کھلاڑی ناصر اقبال نے پی اے ایف کے حمزہ بخاری کو11-2,9-11,11-2 اور11-7 سے مات دی خیبر پختونخواکے دانش اطلس خان نے پنجاب کے عاقب حنیف کو قابو کیا،زرعی ترقیاتی بینک کے طیب اسلام نے اپنے ہی ادارے کے وقاص محبوب کو11-5,11-4 اور11-9 سے ہرا کر سیمی فائنل میں جگہ بنائی۔



ویمنز کوارٹر فائنلز میں واپڈا کی مقدس اشرف نے زرعی ترقیاتی بینک کی رفعت خان کو 11-5,13-11,11-5 سے شکست دی، پنجاب کی ثمرانجم نے اپنے ہی صوبہ سے تعلق رکھنے والی نمرا شاہد کیخلاف11-6,11-3,11-1 سے فتح پائی۔

واپڈا کی صائمہ شوکت کا اپنے ادارے کی عالیہ سرفراز کیخلاف جیت کا اسکور11-6,11-4,11-5 رہا۔ زرعی ترقیاتی بینک کی رشنا نے اپنے ادارے کی حبیبہ کو11-7,11-7,11-1 سے ہراتے ہوئے ٹائٹل کی طرف قدم بڑھائے۔ جمعے کو سیمی فائنل میں عامر اطلس خان کا مقابلہ طیب اسلام اور ناصر اقبال کا دانش اطلس خان سے ہوگا، ویمنز میں ثمر انجم کو مقدس اشرف، رشنا محبوب کو صائمہ شوکت کا سامنا کرنا پڑے گا۔