لودھراں میں شوہرنے بیوی کی ٹانگ کاٹ دی

پولیس نے شوہرکو حراست میں لے کر تحقیقات کا آغاز کردیا ہے۔: فوٹو: اسکرین گریب

---

لودھراں میں بیٹی کی شادی کے لیے جہیز مانگنے پر شوہر نے بیوی کی ٹانگ کاٹ دی۔

ایکیسپریس نیوزکے مطابق لودھراں کے علاقے محمود آباد میں ماں نے بیٹی کی شادی کے لیے شوہر سے جہیز مانگا جس پر شوہرنے انکارکردیا لیکن بیوی کی جانب سے جب بارباربیٹی کے لیے جہیزکا کہا گیا توشوہر نے بیوی کی ٹانگ کاٹ دی۔ متاثرہ خاتون کو فوری طور پر اسپتال منتقل کیا گیا جہاں اسے طبی امداد فراہم کی جارہی ہے۔

خاتون نے اپنے ابتدائی بیان میں موقف اختیارکیا کہ بیٹی کی شادی کے لیے شوہر سے جہیز مانگا جس پر جھگڑا ہوگیا اس لیے شوہر نے ٹانگ کاٹ دی جب کہ اس حوالے سے شوہرکا کہنا ہے کہ اس کی بیوی کا کردار صحیح نہیں تھا اس لیے ٹانگ کاٹی۔ پولیس نے شوہرکو حراست میں لے کر تحقیقات کا آغازکردیا ہے۔