پشاور رنگ روڈ پرواقع گودام سے بڑی تعداد میں اسلحہ برآمد پولیس

برآمد کئے جانے والے اسلحے میں 100ری پیٹراور20ہزارکارتوس شامل ہیں،ایس پی سٹی فوٹو: اے ایف پی/فائل

---

ISLAMABAD: پولیس نے کارروائی کرتے ہوئے رنگ روڈ پر گودام میں چھاپہ مار کربڑی تعداد میں اسلحہ برآمد کر لیا ۔

ایس پی سٹی خالد حمدانی نے میڈیا کے نمائندوں کو بتایا کہ ا سلحے کی موجودگی کی اطلاع پر پولیس نے رنگ روڈ پر واقع گودام پرچھاپہ مارا جہاں ایک شخص کو گرفتار کر کے 100 ری پیٹر اور 20 ہزار کارتوس برآمد کرلئے،گرفتارشخص کا تعلق افغانستان سے ہے۔ انہوں نے کہا کہ 12ربیع الاول کے موقع پر اسلحہ دہشت گردی کی کارروائی کے لئے استعمال کیا جاسکتا تھا تاہم پولیس نے بروقت کارروائی کرکے شہر میں ممکنہ دہشت گردی کی کارروائی کو ناکام بنادیا۔

اس پی سٹی کا کہنا تھا کہ عید میلاد النبی صلی اللہ علیہ و آلہ وسلم کے موقع پر سکیورٹی کے انتہائی سخت انتظامات کیے گئے ہیں جس کے لئے شہر کو چار حصوں میں تقسیم کیا گیا ہے اور ناکہ بندی کر کے شہر میں داخل ہونے والوں کی تلاشی لی جا رہی ہے۔