کراچی سینٹرل جیل میں قید دو افراد کے قاتل کو تختہ دار پر لٹکا دیا گیا

مختارعلی کا تعلق وہاڑی کی تحصیل میلسی سے تھا، فوٹو: فائل

---

سینٹرل جیل میں دو افراد کے قتل کے الزام میں سزا یافتہ مجرم کو منطقی انجام پر پہنچا دیا گیا۔

ایکسپریس نیوزکے مطابق کراچی جیل میں قید وہاڑی کی تحصیل میلسی سے تعلق رکھنے والے قیدی مختار علی راجپوت کو پھانسی دے دی گئی۔ مختارعلی نے 2014 میں دو افراد کو فائرنگ کرکے قتل کردیا تھا.

عدالت نے جرم ثابت ہونے پر مجرم کو پھانسی کی سزا سنائی تھی۔ جیل حکام نے ضابطے کی کارروائی کے بعد مجرم کی لاش اس کے بھائی کے حوالے کردی۔