SUKKUR: پار ہوتی میں واقع گھر پر دستی بم کے حملے کے نتیجے میں ایک شخص جاں بحق اور2 زخمی ہوگئے۔

ایکسپریس نیوز کے مطابق ممتازصنعت کارسمیع الرحمان کے گھر پرنامعلوم افراد کی جانب سے پھینکے گئے دستی بم کے پھٹنے سے ایک شخص جاں بحق اور2 زخمی ہوگئے، حملے سے گھر کو بھی جزوی نقصان پہنچا۔

پولیس نے جائے وقوعہ سے شواہد اکٹھے کرکے تحقیقات شروع کردی ہیں، پولیس کا کہنا ہے کہ حادثے سے متعلق ابھی کچھ کہنا قبل ازوقت ہوگا تاہم تحقیقات کے بعد ہی اصل وجوہات کا تعین کیا جاسکے گا۔