کراچی پتنگ کی خونی ڈور نے بچی کی جان لے لی

عباسی شہید اسپتال میں بچی زخم کی تاب نہ لاتے ہوئے چل بسی فوٹو: اے ایف پی

---

SUKKUR: ناظم آباد کے علاقے میں پتنگ کی خونی ڈور نے ننھی بچی کی جان لے لی۔

کورنگی کے رہائشی عباس علی اپنی اہلیہ اور بیٹی ثنا کے ہمرا موٹرسائیل پر شہر کی سجاوٹ دکھانے جارہے تھے کہ ناظم آباد میں واقع سرسید گرلز کالج کے قریب سے گزرتے ہوئے ننھی ثنا کی گردن پتنگ کی تیز دھار والی ڈور کی زد میں آگئی لیکن والدین کو خبر ہونے تک بچی خون میں نہا چکی تھی۔

پریشان حال والدین بچی کو نزدیکی نجی اسپتال لے گئے مگر عملے نے علاج سے انکار کردیا جس کے بعد والدین بچی کو لے کر عباسی شہید اسپتال پہنچے جہاں زخم کی تاب نہ لاتے ہوئے معصوم بچی نے دم توڑدیا۔