اجے دیوگن کی نئی فلم ’’ہمت والا‘‘ کا ٹریلرجاری

اجے دیوگن کی نئی فلم ’’ہمت والا‘‘ 1983 کی مشہور فلم کا ری میک ہے۔ فوٹو: پبلیسٹی

---

بالی ووڈ اسٹار اجے دیوگن کی نئی فلم ''ہمت والا'' کا ٹریلرجاری کردیا گیا ہے۔

اجے دیوگن کی نئی فلم ''ہمت والا'' 1983 کی مشہور فلم کا ری میک ہے، ہٹ فلم ''ہاؤس فل'' اور ''ہاؤس فل ٹو'' کے ہدایتکار ساجد خان نے یہ ری میک بنایا ہے، فلم کے ہیرو اجے دیوگن ہیں جب کہ ہیروئن تمنا ہے، جہاں اجے دیوگن کا ذکر ہو تو وہاں یہ بات یقینی ہے کہ فلم ایکشن اسٹنٹس سے بھرپور ہوگی جب کہ ایکشن کو مزاح اور رومانس کا تڑکا بھی لگایا گیا ہے، اس فلم میں اداکار مہیش منجریکر نے بھی اہم کردارادا کیا ہے، فلم رواں سال 29 مارچ کو ریلیز کی جائے گی۔

واضح رہے کہ 1983میں ریلیز ہونے والی فلم ہمت والا میں سری دیوی اورجیتندرا نے مرکزی کرداراداکیا تھا اور اس فلم کی بدولت ہی سری دیوی اسٹاراداکارہ کی فہرست میں شامل ہوئی تھیں۔