پاکستان نے کامیابی کے ساتھ دہشت گردی اور انتہاپسندی کو ختم کیا اعزاز چوہدری

مستحکم افغانستان خطے کے امن اور ترقی کے لیے ضروری ہے، اعزاز چوہدری۔ فوٹو : فائل

---

PESHAWAR: امریکا میں متعین پاکستانی سفیر اعزاز چوہدری کا کہنا ہے کہ پاکستان نے کامیابی کے ساتھ ملک میں بڑھتی ہوئی دہشت گردی اور انتہاپسندی کو ختم کیا جب کہ مستحکم افغانستان خطے کے امن اور ترقی کے لیے ضروری ہے۔

امریکی میڈیا کو دیے گئے انٹرویو میں پاکستانی سفیر اعزاز چوہدری کا کہنا تھا کہ پاکستان نے کامیابی کے ساتھ ملک میں بڑھتی ہوئی دہشت گردی اور انتہاپسندی کو ختم کیا جس کے باعث ملک کی سیکیورٹی صورتحال بہت بہتری ہوئی، یہ بہت اچھا موقع ہے کہ پاکستان میں سرمایا کاری کی جائے، پاکستان کی معیشت بھی دن بدن ترقی کررہی ہے۔ انہوں نے کہا کہ مانچسٹر حملے میں بے قصور افراد کو نشانا بنانا بدترین دہشت گردی ہے لہذا دہشت گردوں کا خاتمہ ہونا چاہیے، عالمی سطح پر دہشت گردی کو ختم کرنے کے لیے مسلم ممالک کو ایک ساتھ مل کرکام کرنا ہوگا۔

اعزاز چوہدری نے کہا کہ مستحکم افغانستان خطے کے امن اور ترقی کے لیے ضروری ہے جب کہ افغانستان میں استحکام وقت کی اہم ضرورت بھی ہے۔