پاکستان میں رمضان المبارک کا چاند نظر نہیں آیا مرکزی رویت ہلال کمیٹی
ملک بھر میں پہلا روزہ 28 مئی بروز اتوار ہو گا، مفتی منیب الرحمان
ملک کے کسی بھی حصے سے رمضان المبارک کے چاند کی کوئی شہادت موصول نہیں ہوئی، مفتی منیب الرحمان۔ فوٹو: فائل
پاکستان میں آج رمضان المبارک 1438 ہجری کا چاند نظر نہیں آیا جس کے باعث ملک بھر میں پہلا روزہ 28 مئی بروز اتوار ہوگا۔
رمضان المبارک کا چاند دیکھنے کیلئے مرکزی رویت ہلال کمیٹی کا اجلاس مفتی منیب الرحمن کی صدارت میں اسلام آباد میں ہوا جس میں کمیٹی ارکان کے علاوہ محکمہ موسمیات کے حکام نے بھی شرکت کی۔ اجلاس کے بعد پریس کانفرنس کرتے ہوئے مفتی منیب الرحمان نے کہا کہ اسلام آباد میں مرکزی رویت ہلال کمیٹی کے علاوہ پاکستان بھر میں زونل اور ضلعی کمیٹیوں کے اجلاس بھی اپنے اپنے مقامات پر منعقد ہوئے تاہم ملک کے کسی بھی مقام سے چاند کی رویت کے حوالے سے کوئی شہادت سامنے نہ آئی جس کے بعد متفقہ طور پر فیصلہ کیا گیا کہ ملک بھر میں یکم رمضان المبارک 1438 ہجری 28 مئی بروز اتوار ہو گا۔
اس خبر کو بھی پڑھیں: بھارت اور بنگلا دیش میں رمضان المبارک کا چاند نظر نہیں آیا
واضح رہے کہ بھارت اور بنگلا دیش میں بھی رمضان المبارک کا چاند نظر نہیں آیا جس کے باعث دونوں ممالک میں پہلا روزہ اتوار کو ہو گا جب کہ سعودی عرب، خلیجی اور مشرق وسطیٰ سمیت دنیا کے بیشتر ممالک میں یکم رمضان ہفتے کو ہو گا۔
اس خبرکو بھی پڑھیں: سعودی عرب میں رمضان المبارک کا چاند نظر نہیں آیا
رمضان المبارک کا چاند دیکھنے کیلئے مرکزی رویت ہلال کمیٹی کا اجلاس مفتی منیب الرحمن کی صدارت میں اسلام آباد میں ہوا جس میں کمیٹی ارکان کے علاوہ محکمہ موسمیات کے حکام نے بھی شرکت کی۔ اجلاس کے بعد پریس کانفرنس کرتے ہوئے مفتی منیب الرحمان نے کہا کہ اسلام آباد میں مرکزی رویت ہلال کمیٹی کے علاوہ پاکستان بھر میں زونل اور ضلعی کمیٹیوں کے اجلاس بھی اپنے اپنے مقامات پر منعقد ہوئے تاہم ملک کے کسی بھی مقام سے چاند کی رویت کے حوالے سے کوئی شہادت سامنے نہ آئی جس کے بعد متفقہ طور پر فیصلہ کیا گیا کہ ملک بھر میں یکم رمضان المبارک 1438 ہجری 28 مئی بروز اتوار ہو گا۔
اس خبر کو بھی پڑھیں: بھارت اور بنگلا دیش میں رمضان المبارک کا چاند نظر نہیں آیا
واضح رہے کہ بھارت اور بنگلا دیش میں بھی رمضان المبارک کا چاند نظر نہیں آیا جس کے باعث دونوں ممالک میں پہلا روزہ اتوار کو ہو گا جب کہ سعودی عرب، خلیجی اور مشرق وسطیٰ سمیت دنیا کے بیشتر ممالک میں یکم رمضان ہفتے کو ہو گا۔
اس خبرکو بھی پڑھیں: سعودی عرب میں رمضان المبارک کا چاند نظر نہیں آیا