ایم کیو ایم پنجاب سے ہر نشست پر اپنے امیدوار کھڑے کرے گی الطاف حسین

ایم کیو ایم کے قائد الطاف حسین نے کہا ہے کہ ایم کیو ایم پنجاب سے ہر نشست پر اپنے امیدوار کھڑے کرے گی۔

پنجاب ہاؤس لاہور میں سینٹرل ایگزیکٹو کونسل، لاہور زونل کمیٹی اور رابطہ کمیٹی کے مشترکہ اجلاس سے ٹیلیفونک خطاب کرتے ہوئے الطاف حسین نے کہا کہ ایم کیو ایم آئندہ انتخابات میں بھرپور انداز میں حصہ لے گی اور پنجاب میں ہر نشست پر امیدوار کھڑے کیے جائیں گے۔ ان کا کہنا تھا کہ جنوبی پنجاب صوبہ کے قیام کے لئے جدوجہد جاری رکھی جائے گی۔

اجلاس میں صوبہ جنوبی پنجاب کے قیام کی کوششوں کو تیز کرنے، پنجاب میں تنظیم سازی اور آئندہ انتخابات میں امیدواروں کے چناؤ سمیت دیگر امور پر بھی غور کیا گیا۔