پاکستانی ڈرامہ پھر عوام کی توجہ کا مرکزبن گیا دانش نواز

ہندوستان کا ڈرامہ پاکستانی عوام پر ایک غبار کی صورت طاری ہوا تھا جو اب اتر چکا ہے۔، دانش نواز۔ فوٹو: فائل

---

اداکار دانش نواز کا کہنا ہے کہ پاکستانی ڈرامہ ایک بار پھر عوام کی توجہ کا مرکزبن گیا ہے۔

ماضی میں فنکاروں سے جو غلطیاں ہوئیں ان کو اگر نہ دہرایا گیا تو میں سمجھتا ہوں ہم مزید کامیابی سے ہمکنار ہونگے ان خیالات کا اظہا انھوں نے نمائندہ ایکسپریس سے بات چیت کے دوران کیا ان کا کہنا تھا کہ ہندوستان کا ڈرامہ پاکستانی عوام پر ایک غبار کی صورت طاری ہوا تھا جو اب اتر چکا ہے۔

بھارتی ڈراموں میں اب کسی کو دلچسپی نہیں رہی ایک سوال کے جواب میں انھوں نے کہا کہ پاکستانی عوام ہمارے ڈرامے کی طرح فلم کی بحالی کے بھی منتظر ہیں مگر افسوس اس پر عملی کام نہیں کیا جارہا اگر حکومت اور فلم انڈسٹری سے وابستہ لوگ اس کے لیے کوشش کریں تو فلم بحال ہوسکتی ہے۔