جنید خان نے چیمپئنز ٹرافی میں ویرات کوہلی کے شکارکو مقصد بنالیا

مجھے کوہلی پر نفسیاتی برتری حاصل ہوگی، جنید خان - فوٹو: آئی سی سی

---

TURKEY: پاکستانی فاسٹ بولر جنید خان نے چیمپئنز ٹرافی میں بھارتی کپتان ویرات کوہلی کے شکارکو مقصد بنالیا۔

'ایکسپریس ٹریبیون' کے نمائندے نبیل طاہر سے بات کرتے ہوئے قومی ٹیم کے فاسٹ بولر جنید خان نے کہا کہ میں 4 میچز میں 3 بار کوہلی کو آؤٹ کرچکا ہوں، وہ ایک بہترین بیٹسمین ہیں مگر میرے سامنے مکمل طور پر ناکام ثابت ہوئے، میں کوہلی کو بھارت میں ان کے اپنے کراؤڈ کے سامنے آؤٹ کرچکا،اس لیے مجھے انگلینڈ میں بھی کوئی مشکل پیش نہیں آئے گی۔ جنید نے کہا کہ میں سمجھتا ہوں کہ اب مجھے کوہلی پر نفسیاتی برتری حاصل ہوگی۔

واضح رہے پاکستانی پیسر نے مجموعی طور پر ویرات کو 22 بالز کیں، ان پر کوہلی نے صرف 2 رنز بنائے اور تین بار آؤٹ ہوئے۔