فتح مکہ پرعام معافی مفاہمت کی بنیادہے صدر زرداری

صدرآصف زرداری نے کہا ہے کہ فتح مکہ پرعام معافی کااعلان مفاہمت کی بنیادہے جسے موجودہ حکومت نے اختیار کیا ہوا ہے۔

عید میلاد النبیؐ کے موقع پر ایوان صدر میں 38ویں قومی سیرت کانفرنس سے خطاب کرتے ہوئے صدر نے پہلے سے لکھی ہوئی تقریرپڑھنے کی بجائے کہا کہ وہ اس اہم کانفرنس سے اپنے دل سے خطاب کرنا چاہتے ہیں۔




 

صدر نے کہا کہ حضورؐ نے ان تمام لوگوں کو معاف کیا جنھوں نے ان کے ساتھ اور مسلمانوں کے ساتھ برا برتائو کیا بلکہ یہاں تک کہ انھوں نے خانہ کعبہ کی چابیاں بھی اسی خاندان کے حوالے کیں جو اس مقدس مقام کی نگران تھی اور یہ چابیاں آج بھی اسی خاندان کے پاس ہیں۔انھوںنے کہا کہ حضورؐ کا ہرعمل آج بھی دنیا میں ہر ایک کے لیے رہنمائی کا ذریعہ ہے۔اس موقع پرسیرت النبی پرمقالاجات اورکتب لکھنے کا مقابلہ مقابلہ جیتنے والوں میں انعامات بھی تقسیم کیے گئے۔