سچن ٹنڈولکر کی زندگی پر بننے والی فلم  باکس آفس پر کمال نہ دکھا سکی

فلم ریلیز کے بعد سے اب تک ٹنڈولکرکا 40 کروڑ روپے کا معاوضہ بھی پورا نہیں کر سکی۔ فوٹو: فائل

---

بھارت میں کرکٹ کے دیوتا مانے جانے والے سابق بیسٹمین سچن ٹنڈولکر کی زندگی پر بننے والی فلم ''سچن: اے بلین ڈریمز'' باکس آفس پر خاطر خواہ بزنس نہ کر سکی۔

بھارت کے لیجنڈری بلے باز سچن ٹنڈولکر نے اپنی زندگی پر بننے والی ڈاکومینٹری فلم ''سچن اے بلین ڈریمز'' میں خود مرکزی کردار ادا کیا ہے، فلم میں ٹنڈولکر کی زندگی میں بچپن سے لے کر کیرئیر کے اختتام تک پیش آنے والے تمام اتار چڑھاؤ دکھائے گئے ہیں تاکہ لوگ اپنے ہیرو کی زندگی کے بارے میں زیادہ سے زیادہ جان سکیں۔ فلمی پنڈتوں نے بھی فلم کے باکس آفس پر ہٹ ہونے اور زبردست کمائی کرنے کی پیش گوئی کی تھی جو سچ ثابت نہ ہو سکی۔

#SachinABillionDreams Fri 8.40 cr, Sat 9.20 cr, Sun 10.25 cr. Total: ₹ 27.85 cr [all languages]. India biz. EXCELLENT for a docu-drama.

— taran adarsh (@taran_adarsh) May 29, 2017

بھارتی میڈیا رپورٹس کے مطابق سچن: اے بلین ڈریمز کو بیک وقت ہندی، انگلش، تامل، تیلگو اور مراٹھی زبانوں میں ڈب کر کے پیش کیا گیا لیکن اس کے باوجود فلم باکس آفس پر خاطر خواہ کمائی کرنے میں ناکام رہی اور فلم 3 روز میں صرف 24 کروڑ کا ہی بزنس کرسکی ہے۔ فلم اب تک 28 کروڑ 5 لاکھ روپے کا بزنس کر کے ٹنڈولکر کا فلم میں 40 کروڑ روپے کا معاوضہ بھی پورا نہیں کرسکی ہے جس کے بعد اب فلم پر ناکامی کے سائے منڈلانے لگے ہیں۔

#SachinABillionDreams Weekend
Hindi: ₹ 24.45 cr
Marathi: ₹ 1.20 cr
Tamil: ₹ 93 lakhs
Telugu: ₹ 1.05 cr
English: ₹ 42 lakhs
Total: ₹ 28.05 cr

— taran adarsh (@taran_adarsh) May 29, 2017

واضح رہے کہ فلم ''سچن: اے بلین ڈریمز'' 26 مئی کو بھارت بھر میں نمائش کے لیے پیش کیا گیا تھا۔