پیپلزپارٹی کی رہنما فردوس عاشق اعوان تحریک انصاف میں شامل

میرا مقصد ملک سے کرپشن کا خاتمہ اور انصاف کی فراہمی ہے، عمران خان - فوٹو: سوشل میڈیا

---

ISLAMABAD: سابق وفاقی وزیر اطلاعات اورپیپلزپارٹی کی رہنما ڈاکٹر فردوس عاشق اعوان نے تحریک انصاف میں باقاعدہ شمولیت اختیار کرلی۔

ایکسپریس نیوز کے مطابق پیپلزپارٹی کی رہنما فردوس عاشق اعوان نے پی ٹی آئی کے رہنما عمر ڈار اور جہانگیر ترین کے ہمراہ نتھیا گلی میں چیرمین پی ٹی آئی عمران خان سے ملاقات کی اور تحریک انصاف میں باقاعدہ شمولیت اختیارکرتے ہوئے عمران خان کی قیادت پر اعتماد کا اظہارکیا۔

اس موقع پرعمران خان کا کہنا تھا کہ اُن کا مقصد ملک سے کرپشن کا خاتمہ اور انصاف کی فراہمی ہے جب کہ آصف زرداری اور نواز شریف اسٹیٹس کو بچانے کےلیے نورا کشتی کرتے ہیں۔