چیمپئنز ٹرافی سے قبل وریندر سہواگ پاکستان فوبیا کا شکار

پہلے میں آپ کا فین تھا لیکن اب بس اتنا ہی کہوں گا کہ ”ویرو“ ”وائرس“ کا مخفف ہے، ایک مداح کا سوشل میڈیا پر تبصرہ۔ فوٹو: سوشل میڈیا

---

پاک بھارت میچ سے قبل ہی بھارتی سورما وریندر سہواگ کو پاکستان فوبیا ہو گیا اور بنگلا دیش کے خلاف وارم اپ میچ میں نامناسب تبصرے پر پاکستانی مداحوں نے کرارا جواب دیا۔

گزشتہ روز بھارت اور بنگلا دیش کے درمیان وارم اپ میچ کھیلا گیا جس میں بھارت نے کامیابی حاصل کی۔ بھارت کی بیٹنگ کے دوران کمنٹری کرتے ہوئے سابق اوپنر وریندر سہواگ پاکستان کے خلاف اپنی زبان کو نہ روک سکے اور کہا کہ "بھارت بیٹے کے ساتھ میچ سے قبل پوتے کے ساتھ پریکٹس کر رہا ہے۔"

وریندر سہواگ کے اس نامناسب تبصرے پر سوشل میڈیا پر دونوں ملکوں کے مداحوں میں نوک جھونک ہوتی رہی۔

ایک صارف نے کہا کہ پاکستان 14 اگست کو وجود میں آیا جب کہ بھارت 15 اگست کو، خود ہی فیصلہ کر لیجے کون باپ ہے اور کون بیٹا۔ اس منطق کے مطابق تو 15 اگست، 14 اگست سے پہلے آتا ہے۔

pic.twitter.com/KufVRImO6E

— imWK (@mwajahatw) May 30, 2017

ایک اور مداح نے لکھا کہ آپ کی اس بیہودہ گفتگو سے پہلے میں آپ کا فین تھا لیکن اب بس اتنا ہی کہوں گا کہ "ویرو" "وائرس" کا مخفف ہے۔

due to that shit I was ur fan but from now I just want to say that viru is abreviation of virus
Viru sucks

— Sharoon Stiphenos (@SStiphones) May 31, 2017