ویمنزورلڈ کپ قومی ٹیم کی آفیشل کٹ کی تقریب رونمائی

شکست کا مارجن کم ہوا ہے اور میگا ایونٹ میں ٹیم ایک نئے روپ میں نظر آئے گی،کپتان ثناء میر ۔ فوٹو : بشکریہ ٹویٹر

---

آئی سی سی ویمنز ورلڈ کپ کیلئے نیشنل کرکٹ اکیڈمی میں منعقدہ تقریب میں قومی ٹیم کی آفیشل کٹ پیش کی گئی۔

آئی سی سی ویمنز ورلڈ کپ کیلیے قومی ٹیم کی آفیشل کٹ کی تقریب رونمائی ہوئی اورنیشنل کرکٹ اکیڈمی میں منعقدہ تقریب میں قومی ٹیم کی آفیشل کٹ پیش کی گئی۔ اس موقع پر ون ڈے کپتان ثناء میر، ٹی ٹوئنٹی کپتان بسمعہ معروف، ڈائریکٹر گیم ڈویلیمنٹ ایزد حسین سید، ڈائریکٹر ویمن کرکٹ شمسہ ہاشمی، ٹیم منیجر عائشہ اشعر اور چیف سلیکٹر محمد الیاس بھی موجود تھے۔

Unveiling of Pakistan Women Cricket Team Kit for ICC Women Cricket World Cup 2017 pic.twitter.com/0Eo6dNcixJ

— Pakistan Cricket (@TheRealPCB) May 31, 2017

اس موقع پر گفتگو کرتے ہوئے ثناء میر نے کہا کہ ٹیم نے تین چار ماہ بھرپور ٹریننگ کی ہے، ایبٹ آباد میں بھی ایک ماہ کیمپ لگایا گیا جہاں کنڈیشنز تقریباً انگلینڈ جیسی ہیں۔ پلیئرز نے بھرپور محنت کی ہے اور میگا ایونٹ میں اچھا پرفارم کریں گے۔ انہوں نے کہا کہ ایونٹ سے قبل چار پانچ پریکٹس میچ بھی ملیں گے، بھارت کے خلاف میچ کو عام مقابلے کی طرح لیں گے، روایتی حریف کو ٹی ٹوئنٹی میں ہرا چکے ہیں جب کہ ون ڈے میں ان کے خلاف فتح کی روایت توڑنے کی کوشش کریں گے۔

اس خبر کو بھی پڑھیں :پاور ہٹرز کی کمی کے باوجود پاکستان بھارت کو ہرا سکتا ہے

Unveiling of Pakistan Women Cricket Team T20Is Kit pic.twitter.com/GKXSYKkZv0

— Pakistan Cricket (@TheRealPCB) May 31, 2017

ثناء میر نے اعتراف کیا کہ ٹیم میچ فنشنگ میں کمزور ہے جس کی وجہ سے کئی یقینی فتوحات ہاتھ سے نکل گئیں۔ کوچز نے اس پر کام کیا ہے۔ شکست کا مارجن کم ہوا ہے اور میگا ایونٹ میں ٹیم ایک نئے روپ میں نظر آئے گی۔

واضح رہے کہ ویمنز ورلڈ کپ کا آغاز 24 جون سے انگلینڈ میں ہو گا جس میں شرکت کیلئے قومی ٹیم ثناء میر کی قیادت میں جمعرات کی رات اڑان بھرے گی۔