ن لیگ جنوبی پنجاب ایشوسے توجہ ہٹانا چاہتی ہے بابر غوری

طاہرالقادری کے مطالبات غیرآئینی تھے تون لیگ کے تحفظات آئینی کیسے ہوگئے؟

---

وفاقی وزیربابرغوری نے کہاہے کہ طاہرالقادری کا کوئی مطالبہ غیرآئینی ہے نہ ہی حکو مت کسی کاغیرآئینی مطالبہ مان سکتی ہے۔

چوہدری نثاردھرنوں اورمارچ سے الیکشن کمیشن اورحکومت پردبائو ڈالنے کے بجائے پارلیمنٹ میں بات کریں۔لاہورمیں میڈیاسے گفتگوکرتے ہوئے بابرغوری نے کہاکہ میں سمجھتاہوں کہ(ن)لیگ جنوبی پنجاب کے ایشوسے توجہ ہٹانے کیلیے اب پارلیمنٹ کے سامنے دھرنے کی بات کررہی ہے۔



جب طاہرالقادری الیکشن کمیشن سے متعلق تحفظات کی بات کرتے رہے توان کے مطا لبات کو غیر آئینی قراردیاجاتارہااوراب(ن)لیگ خودالیکشن کمیشن کیخلاف دھرنے دینے جاری ہے ۔