ماہرہ کے بعد صبا قمر کے بھی بھارت میں چرچے

فلم ہندی میڈیم میں صبا قمر نے حقیقی اداکاری کی ہے، رشی کپور۔ فوٹو : فائل

---

پاکستانی اداکارہ ماہرہ خان کے بعد اب صبا قمر نے بھی بالی ووڈ کو اپنی اداکاری کا دیوانہ بنادیا ہے.

پاکستانی اداکار فواد خان اور پھر ماہرہ خان جنہوں نے اپنی زبردست اداکاری سے بھارتیوں کے دل موہ لیے، بالخصوص ماہرہ خان جنہوں نے بالی وڈ کنگ شاہ رخ خان کے مد مقابل کام کیا اور اپنی اداکاری سے پورے بالی وڈ کو اپنا دیوانا بنادیا، اب ایک اور پاکستانی ادکارہ صبا قمر نے حال ہی میں بھارتی فلم ''ہندی میڈیم'' سے بالی ووڈ میں دھماکے دار انٹری دی اور کامیابی کے جھنڈے گاڑدیے۔

اس خبر کو بھی پڑھیں : صبا قمر کی اداکاری سے متاثر بھارتی صحافی کا کھلا خط

Saw "Hindi Medium"!Such a delight.Wonderfully made,written and acted. @irrfank,Sabah and Deepak are so natural. Congratulations to the team.

— Rishi Kapoor (@chintskap) May 30, 2017

صبا قمر نے فلم 'ہندی میڈیم' میں عرفان خان کے مد مقابل ہیروئن کا کردار ادا کیا اور نہ صرف بالی ووڈ بلکہ بھارتیوں کو بھی اپنی اداکاری کا دیوانہ بنالیا۔ بھارتی لیجنڈری اداکار رشی کپور جو اپنے بے باک تبصروں کی وجہ سے کافی مشہور ہیں، اپنی ٹوئٹ میں رشی کپور کا کہنا تھا کہ ہندی میڈیم فلم نے انہیں کافی متاثر کیا، یہ نہ صرف ایک اچھی فلم ہے بلکہ اس میں عرفان خان اور صبا قمر نے حقیقت سے قریب ترین اداکاری کی۔

اس خبر کو بھی پڑھیں : پاکستانی اداکارہ صبا قمر کو بھارتی فلم میں کام کس طرح ملا؟

دوسری جانب ریاست مدھیا پردیش، مہاراشٹر اور گجرات کے بعد اب بھارتی دارلحکومت نئی دلی میں بھی فلم کو ٹیکس فری قرار دے دیا گیا ہے، فلم کی ریلیز کا دوسرا ہفتہ ہے لیکن اس کے باوجود فلم شائقین کی جانب سے مثبت رد عمل آرہا ہے اور فلم کو کافی پسند بھی کیا جارہا ہے۔